ନେତାଜୀ

ମୌଲବି ସାହେବ ମୌଲବି ସାହେବ

କହିବକି ତୁମ ପରିଚୟ ?

କଡା ପ୍ରହାର ପୋଲିସର ନଜର

ଜଗି ରଖି ଧୀରେ ଏଠି ଚଳ ।

ଏ ରେଳଷ୍ଟେସନ ପେଶବାର କେବେ

ରଖିନି କାହାର ମାନ ମହତ ।

ପାର ଯଦି ତୁମେ ଏହିଠାରୁ ଯାଇ

ବଦଳାଅ ସେ ବେଶ ତୁରନ୍ତ ।।

ଯେଉଁ ପଥେ ତୁମେ ପାଦ ରଖିଅଛ

ସେହି ପଥ ଦିଶେ ପରିଷ୍କାର ।

ଅଡ଼ୁଆ ଲାଗୁଛି ଗୋରା ସାହେବକୁ

ସେଥିପାଇଁ କରେ ତିରସ୍କାର ।।

ଆମେ ଭାରତୀୟ ତୁମ୍ଭଙ୍କୁ ସ୍ମରିଣ

ଜୀଇଁଯିବୁ ଛାତି ପଥର କରି ।

ଓଡ଼ିଆ ପିଲାଟି ନେତାଜୀ ଟିକାରେ

ଡାକୁଥିବା ଯାଏଁ ବାହୁ ପ୍ରସାରି ।।

ତୁମେ ଆମ ଗର୍ବ ଦମ୍ଭ ପରିଚୟ 

ଦିଅନାହିଁ ନିଜ ପରିଚୟ ।

ସ୍ୱାଧୀନ ରାଷ୍ଟ୍ରର 'ଜୟ ହିଁନ୍ଦ' ତୁମେ

ସୁଭାଷ ଚନ୍ଦ୍ର ! ତେଜ ଭାସ୍କର ।।