ନେତାଜୀ ବୋଷ

ସ୍ୱାଗତ ସ୍ୱାଗତ          ଆହେ ମହାବୀର!

    ନେତାଜୀ ସୁଭାଷ ବୋଷ

ତୁମରି ଚରଣେ         ଶତକୋଟି ନମଃ

    ହେ ଭାରତ ମା'ର ଯଶ! |

ନିଷ୍ଠୁର ବିଦେଶୀ       ରକତ ପିଇଲେ

     ଭାରତ ମାଆକୁ ଶୋଷି 

ଅହିଂସା ନୀତିରେ      ଦେଶବାସୀ ଥାଇ

     ସଦା ହେଉଥିଲେ ଦୋଷୀ |

ଯୋଗ ଦେଲ ତୁମ୍ଭେ   ଗଢ଼ିଲ ଦେଶରେ 

      ଆଜାଦ ହିନ୍ଦ ଫଉଜ 

ରକ୍ତ ଦିଅ ମୋତେ      ସ୍ୱାଧୀନତା ଦେଵି

     ବୋଲାଇଲ ସ୍ୱ ଆବାଜ |

ସ୍ୱତନ୍ତ୍ର ଭାରତ          ସରଗ ଆମର

     ଉଚ୍ଚାରିଲ ଦେଶ ସାରା

ତୁମ ତୁଲ୍ୟ ପୁଣି        କିଏ ବା ହୋଇବ

     ମହୀରେ ତୁମେ ନିଆରା |

ହଟିଲା ମାୟାର       ନିଷ୍ପେସିତ ବେଳା

      ଚାଲିଲେ ଫିରିଙ୍ଗି ଦଳ

ତୁମପରି କେତେ       ମହାରଥୀ ଆଜି

     ଆଣିଲେ ଆନନ୍ଦ ବେଳ | 

ତୁମରି ଅକ୍ଲାନ୍ତ         ଅପ୍ରାଣ ଉଦ୍ୟମେ

     ହେଲା ସ୍ୱାଧୀନର ଦେଶ

ତ୍ରିରଙ୍ଗା ପାଟରେ       ଚକ୍ର ତା ବକ୍ଷରେ

     ହୋଇଛି ଭାରତ ବେଶ |

ଦେଶ ପାଇଁ ତୁମେ        ଦେଇଛ ଜୀବନ

     ଭୋଗୀ କାରାଗାର ଦଣ୍ଡ

ତୁମରି ରକତ            ଆଜିର ଆନନ୍ଦ

     ତୁମେ ସ୍ନେହ ପ୍ରେମାନନ୍ଦ ||