ନବବର୍ଷ
ନବବର୍ଷ
ଗୀତି କବିତା-89: ନବବର୍ଷ
ନୂଆ ବରଷର ନୂଆ ସକାଳରେ ସବୁ ନୂଆ ନୂଆ ଲାଗେ,
କେହି ଜଣେ ଆସେ ନୂଆହେଇ ପାଶେ ନୂତନ ସପନ ଜାଗେ |(ଘୋଷା)
ଦୁଃଖରେ ଲୁଚିଛି ସୁଖର ଫୁଆରା କାନ୍ଦରେ ଲୁଚିଛି ହସ,
ଅତୀତ ଆଖିରେ ଲାଗିଛି ଭବିଷ୍ୟ ବର୍ତ୍ତମାନ ଭରା ରସ |
ସୁଖ ସପନକୁ ସତ କରିବାକୁ ଆସିଛି ଅରୁଣ ରାଗେ |
ନୂଆ ବରଷର ନୂଆ ସକାଳରେ ସବୁ ନୂଆ ନୂଆ ଲାଗେ |(1)
ବିତି ଯାଇଛି ଯେ ହଜି ଯାଇଛି ସେ ତା' ପାଇଁ ଅନୁଶୋଚନା,
ଚାଲି ଯାଇଛି ଯେ ସେ ନୁହେଁ ଆମର ତାକୁ ଝୁରିବାକୁ ମନା |
ନୂତନ ଆହ୍ୱାନ କରେ ନିମନ୍ତ୍ରଣ ପ୍ରଭାତ ପୂରୁବ ଦିଗେ |
ନୂଆ ବରଷର ନୂଆ ସକାଳରେ ସବୁ ନୂଆ ନୂଆ ଲାଗେ |(2)