ନବବର୍ଷ-୨୦୧୮
ନବବର୍ଷ-୨୦୧୮
ଡକ୍ଟର ଚାଇନା ପ୍ରଧାନ
ଏହି ନବ ବରଷ ନୂଆ ସକାଳରେ
କରୁ ସରବେ ସ୍ୱାଗତ
ତୁମେ ଆସ ଧାଇଁ ସମୟ ଚକରେ
ହସି ଉଠୁ ଏ ମରତ । ।
କୁସୁମ ଫୁଲର ରଙ୍ଗ ଗାଲିଚାରେ
ଆସ ତୁମେ ହସିଦେଇ
ଚାଷୀ କାଟେ ଧାନ କ୍ଷେତରୁ
ଖୁସିରେ ସବୁ ଦୁଃଖ ଭୁଲିଯାଇ । ।
ତୁମେ ଆସ ପୁଣି ଶୁଭେଚ୍ଛା ପତ୍ରରେ
ହୃଦୟେ ପୁଲକ ଭରି
ନାନାଖାଦ୍ୟ ରନ୍ଧା ହୁଏ ଘରେ ଘରେ
ଦିନ ଯାଏ ସୁଖେ ସରି । ।
ଏହି ନବ ବରଷ ତଥାପି କିମ୍ପାଇ
ମନରେ ଆଶଙ୍କା ଆସେ
ଆତଙ୍କବାଦୀ ଏ ରକ୍ତମୁଖା ହୋଇ
ମାରନ୍ତି ସଭିଁଙ୍କୁ ହର୍ଷେ । ।
ଅହିଂସା ମନ୍ତରେ ଦୀକ୍ଷିତ କରାଇ
ସେମାନଙ୍କୁ ଧନ୍ୟ କର
ଆହେ ନବବର୍ଷ ଶାନ୍ତି ଭରି ଦେଇ
ହସାଅ ଏଇ ସଂସାର । ।
ଆହେ ଜଗନ୍ନାଥ ସୁଖଶାନ୍ତି ଦେଇ
ହସାଅ ଏଇ ଜଗତ
ଏଇ ଅଳି ରଖି ନବବର୍ଷେ ସାଇଁ
ଘେନ କୋଟି ଦଣ୍ଡବତ । ।