ନାଉରିଆ
ନାଉରିଆ
ନାଉରିଆ
ନାଉରିଆ ଏ କଡରେ ଘର ତୋର
ଆର କଡେ ଘାଟ
କାହିଁ ଯଦି ଡଙ୍ଗା ବୁଡେ ମଝିଦରିଆରେ
ତୁ ଯିବୁ କେଉଁ ବାଟ
କାହାକୁ କହିବୁ ପର
କା’ରେ ଆପଣାର
କାହାକୁ ତୁ ଦେଖାଇବୁ
ନିଜର ବେଭାର ।
ନାଉରିଆ,
ବାହି ନେଉ ତରୀ
କହିବୁ କି କଥାଟିଏ
ମୋତେ ହେତୁ କରି
ଯିବାକୁ ଏ ଅଛି ମୋତେ
ବାଟ ବହୁଦୂର
ଜାଣେ ନାହିଁ ଦିଗ
ଭଲ ଭେଲ
ଚିହ୍ନି ନାହିଁ ପର ଆପଣା ର
କହିବୁ କି ଯିବି କେଉଁ ଦିଗ ।
ଏ କୂଳରେ ସୁଖର ଜଞ୍ଜାଳ
ଆରକଡେ ଦୁଃଖର ଅନ୍ଧାର
କେଉଁ ଆଡେ ଯିବାଲାଗି
ପାଉନାହିଁ ହେତୁ
ଦୁଇ କଡେ ମୋହର ବନ୍ଧନ ।
ନାଉରିଆ,
କହିବୁ କି ବାହୁ କେଡେ
ନିରିମୋହେ ତରୀ
କାହା କଥା ଗାଉ
କାହା ନାଆଁ ଧରି ।
କିଏ ତୋର ଗୁରୁ
କାହାର ତୁ ଚେଲା
ସେଇ କିବା ଲଗାଇବ
ମୋର ଭବ ଭେଳା ।
ଶାରଦା ପ୍ରସାଦ ପରିଡା
ଅଧ୍ୟାପକ, ମେକାନିକାଲ ଇଂଜିନିୟରିଗଂ,
କୋଣାର୍କ ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ ଜଟଣୀ , ଖୋର୍ଦ୍ଧା