ଶୀତ
ଶୀତ
1 min
4.8K
ମୁଁ କାକର ର ଟୋପା ଟିଏ
ଶୀତ ସକାଳ ର
ତୁମେ ଅଳପ ଉଷୁମ ତାତି
କଅଁଳ ଖରା ର
ହସି ଦେଲେ ଅଳ୍ପ ଅଳ୍ପ
ଚାହିଁ ଦେଇ ମୋତେ
ମୋତି ପରି ଚମକେ ମୁଁ
ତୁମରି ପରଶେ
ଶୀତ ର ସକାଳ ସାଥି
ଘନ କୁହୁଡି ଚାଦର
ସକାଳ ର ନାଲି ଚା
ଚୁଲି ନିଆଁ ର ଆଦର
କେଡେ ଯେ ଉଷ୍ମତା ସଖୀ
କେଡେ ସତେଜ ସେ ସ୍ମୃତି
ଛାତିର ସ୍ପନ୍ଦନ ଶୁଣେ
ଯେବେ ନିରବ ରେ ଛାତି
ରାତି ରାତି କଟିଯାଏ
ଋତୁ ଅଗୋଚରେ
ମନ ର ମିଳନ ଋତୁ
ଦେହ ପାର୍ବଣ ରେ
ଆଖିର କଜଳ
ଓଠେ ରକ୍ତ ପଟଳ ର ଲେପ
ପାଦ ରେ ଅଳତା
ଭ୍ରୂଲତା କୋଦଣ୍ଡ ନାରାଚ
ସିଂଥୀରେ ସିନ୍ଦୁର
ପାଦେ ପାଉଁଜି ରୁପାର
ନ ହାରିବ କେଉଁ ବୀର
ପ୍ରେମ ର ଯୁଦ୍ଧ ର
ହାରିବା ଜିତିବା ସଖୀ
ସବୁ ଏକାକାର
ହାରିଲେ ଜିତିବା ସୁଖ
ଲଙ୍ଗେ ହୃଦ ସିନ୍ଧୁ ତୀର
ମୁଁ ପ୍ରଭାତ ଶିଶିର ପରି
ଶୀତ ସକାଳ ରେ
ଆହ୍ଲାଦ ରେ ଚମକି ବି
ତୁମ ପୀରତି ଛୁଆଁ ରେ