ନାରୀ

ନିସର୍ତ୍ତରେ ଦେଇଯିବା 

ନିଶବ୍ଦରେ ସହିଯିବା 

ଯାହାର ଧର୍ମ 

ସେ ନାରୀଟିଏ ।

ଶ୍ୱାସରୁଦ୍ଧ ନିଜେ ହୋଇ 

ପୂଜାଫୁଲ ଅନ୍ୟ ପାଇଁ 

ଯାହାର ସ୍ବପ୍ନ 

ସେ ନାରୀଟିଏ ।

ତ୍ୟାଗରେ ତା ପୂଣ୍ୟ 

ଅଘଟଣ ତା ଭାଗ୍ୟ 

ଯାହାର ଜୀବନୀ 

ସେ ନାରୀଟିଏ ।

ପୁଜାରିଣୀ ଦୁଇକୂଳ ହିତା 

ପ୍ରେମର ଚିରଶ୍ରୋତା ଲାସ୍ୟା 

ଯିଏ ସବୁବେଳେ 

ସେ ନାରୀଟିଏ ।

ଅନ୍ୟର ପାପ ପଣତେ ଲୁଚାଇ 

କା ସୁଖ ପାଇଁ ଦଗ୍ଧ ହୋଇ 

ଜଳେ ଓ ଜାଳେ ଯିଏ 

ସେ ନାରୀଟିଏ ।

ମର୍ଯ୍ୟାଦା ରେ ସଦା ପ୍ରାଣବନ୍ତ 

ପରିବାର ରଖେ ସୁରକ୍ଷିତ 

ମନେ ଆତଙ୍କିତ 

ସେ ନାରୀଟିଏ ।

କେବେ ଯୌତୁକର ଜୁଇ 

କେବେ ଗଣଦୁଷ୍କର୍ମ ପାଇଁ 

ହୁଏ ନିର୍ଯ୍ୟାତିତ 

ସିଏ ନାରୀଟିଏ ।

ବଞ୍ଚାଇ ରଖିବାକୁ କୁଣ୍ଠା ଆଜି 

ଦକ୍ଷତାରେ ଯେତେ ଥାଉ ସାଜି 

ସଂସାରମୁଦ୍ରାର ଗୋଟିଏପାର୍ଶ୍ୱ 

ସିଏ ନାରୀଟିଏ ।

ଯା ବିନା ସ୍ୱୟଂସମ୍ପୂର୍ଣ୍ଣ ହେବା 

ମଧୁମୟମୋହାଚ୍ଛନ୍ନ ସଂସାରବାହିବା 

ଏକଦମ ଅସମ୍ଭବ 

ସେ ନାରୀଟିଏ l