ନାରୀ

ପରସ୍ତ ପରସ୍ତ ନୀରବତା ଭିତରେ ତୁମେ

    ସୃଜନର ପହିଲି ସଂଳାପ

ନୀରବିତ ମୁଖଶାଳାର ନିସ୍ତେଜ କାନ୍ଥରେ

    ଅଗଣିତ ଭାଷାର ଆଳାପ ।

ଯୁଗେ ଯୁଗେ ତୁମେ ହିଁ ଆଦର୍ଶର ଆଦିମାତା

    ସାମର୍ଥ୍ୟର କୋଟି ସମ୍ଭାବନା

ସୁଖ ସରାଗର କୋମଳତାରେ ଶହେ ସ୍ବପ୍ନ

     କିଛି କରିବାର ଆଶ୍ଵାସନା ।

ବାତ୍ସଲ୍ୟ ମମତାର ଶାନ୍ତ ସପ୍ତସିନ୍ଧୁ ତୁମେ

     ସରାଗର ସ୍ଥିର ସାଗରିକା

ଶାରଦୀୟ ଋତୁରେ ମହାମାୟା ଶକ୍ତିମୟୀ

    ସଂସାରର ସାଜ ସଂଯୋଜିକା ।

ପୃଥିବୀ କୋଳେ ନିତି ବିରାଜିତ ହୁଅ ତୁମେ

    ଯେବେ ବଢେ ଅନ୍ୟାୟ ଅନୀତି

କର୍ତ୍ତବ୍ୟର କର୍ମଯୋଗିନୀ, ସାଜି କାର୍ତ୍ତାୟିନୀ 

     ରୋକିବାକୁ ଅଧର୍ମ ରାଜୁତି ।।