ନାରୀ

ବିଭୁ ଜଗତରେ ସୃଷ୍ଟି କି ସୁନ୍ଦର ମର୍ମ

ତନ୍ମଧ୍ୟରେ ନାରୀଙ୍କର କି ଅଦ୍ଭୁଦ ଜନ୍ମ

ମାତା ରୂପେ ସାରା ଜଗତ କରିଛି ସୃଷ୍ଟି

ସ୍ନେହ ଶ୍ରଦ୍ଧା ମମତାକୁ କରାଉଛି ବୃଷ୍ଟି

ଭାର୍ଯ୍ୟା ଭାବେ ଅବତାରୀ ଅର୍ଦ୍ଧାଙ୍ଗିନୀ ହୋଇ

ସଂସାର ସାଗରେ ପତି ସହ ବାସ କରି

ଭଗ୍ନୀ ଭାଗରେ ସେତ କ'ଣ ନ କରିଛି

କ୍ଷଣେ କାନ୍ଦିଛି ଦୁଃଖେ ହସ ଫୁଟାଇଛି

ମାଉସୀ ମାଇ ଅଟନ୍ତି ମାଆ ପ୍ରତିଶବ୍ଦ

ରକ୍ଷା କରି କୋଳ କରେ ବିପଦେ ଆପଦ

ଜେଜେ ମାଆ ଆଇ କଥା କି କହିବି ପୁଣ

ଉପଦେଶ ଗଳ୍ପ ପେଡ଼ି ସେ ଦୁହିଁଙ୍କୁ ଜାଣ

ଶକ୍ତି ପାଇଁ କାଳୀ ବିଦ୍ୟା ପ୍ରତି ସରସ୍ୱତୀ 

ଧନେ ଲକ୍ଷ୍ମୀ ସତୀ ରୂପେ ସେ ପରାଶକତି

ଏମିତି ବିଚିତ୍ର ଜଗତର ପ୍ରହେଳିକା 

ଜୀବନରେ କେବେ ଥରେ ଭାବି ଅଛ ଏକା