ନାରୀ ମୁକୁଟ
ନାରୀ ମୁକୁଟ
ପାରିବ କି ହୋଇ ଯେମିତି
ଛୋଟ ବେଳୁ ଅବହେଳିତ ମୁଁ ।
ପାରିବ କି ସହି ଯେମିତି
ଜ୍ଞାତବ୍ୟ ହେବାରୁ ବଞ୍ଚିତ ମୁଁ ।
ପାରିବ କି କାନ୍ଧେଈ ଯେମିତି
ଘର କର୍ମର ବହାକ ମୁଁ ।
ପାରିବ କି ଦୂରେଇ ଯେମିତି
ବାପ ଘର ଛାଡ଼ିକି ମୁଁ ।
ପାରିବ କି ସନ୍ତୁଳନତା ଯେମିତି
ଘର ଓ ବୃତ୍ତି ଜାବୁଡ଼ି ଧରିଛି ମୁଁ ।
ପାରିବ କି କଷ୍ଟ ସହି ଯେମିତି
ଗର୍ଭ ଧାରଣ କାଳରେ ମୁଁ ।
ପାରିବ କି ଉପାସ ରହି ଯେମିତି
ଛୁଆ ପେଟ ପୁରି ଦେଖି ମୁଁ ।
ପାରିବ କି ଅସ୍ଥିର ରହି ଯେମିତି
ଦିନମାନେ ବିଶ୍ରାମହୀନ ମୁଁ ।
ପାରିବ କି ଶାନ୍ତିରେ ମରି ଯେମିତି
ସଧବା କାମନା କରିଛି ମୁଁ ।
ପାରିବନି ଯଦି କରନି ଚିତ୍କାର
ତମ ମିଛ ଆବରଣ ଉପରେ ଧିତ୍କାର।
ଉପଯୁକ୍ତ ନୁହଁ ତମେ ଏ ମୁକୁଟ ପାଇଁ
ପ୍ରଭୁଙ୍କ କରୁଣା ଗ୍ରହଣୀୟ ସେଥିପାଇଁ।