ଲାଇବ୍ରେରୀ
ପ୍ରୋଫାଇଲ୍
ନାଁ ଟି ମୋର ଖରା
ନାଁ ଟି ମୋର ଖରା
ଗ୍ରୀଷ୍ମ କାଳେ ଅଗ୍ନି ଢାଳେ
ଉତପ୍ତ କରେ ଧରା
ନଦୀ ନାଳ ଶୁଷ୍କ କରେ
ନାଁ ଟି ମୋର ଖରା ll
ଗତି ମୋହର ନୁହଁଇ ସ୍ଥିର
ଋତୁ ଚକ୍ରରେ ପଡି
ସଳଖ ପୁଣି ତେରେଛା କେବେ
ବେଳତ ଯାଏ ଗଡି ll
ବରଷା କାଳେ ଆସଇ ମୁହିଁ
ସୂରୁଜ ଦେଲେ ଦେଖା
ବିଜୁଳି ସମ ଝଟକେ ପୁଣି
ହୋଇ ସୂରୁଜ ମୁଖା ll
ଉଷ୍ଣତା ଭରେ ଜୀବ ଶରୀରେ
ଆସିଲେ ଶୀତ କାଳ
ନାହିଁତ ମୋର ସ୍ଥିତି ନିଜର
ସୂର୍ଯ୍ୟ ମୋହର ବଳ ll
ସୂର୍ଯ୍ୟତ ମୋତେ ଆଣନ୍ତି ସାଥେ
ଏଇ ଧରାକୁ ନିତି
ତାଙ୍କ ବିହୁନେ ନିଜର ମୋର
ନାହିଁତ କିଛି ସ୍ଥିତି ll
ସତ୍ତା ମୋହର ବିଲୁପ୍ତ ହୁଏ
ସୂରୁଜ ଗଲେ ଡୁବି
ସୂର୍ଯ୍ୟ ମୋହର ଜନମ ଦାତା
ମୁଁ ଯେ ତାଙ୍କର ଛବି ll
ନିର୍ବିକାରରେ କରଇ ନିତି
କର୍ମ ମୋହର ଯାହା
ମନରେ ନାହିଁ ଶୋଚନା ଟିକେ
ସୂର୍ଯ୍ୟ ମୋହର ରାହା ll
ସୂର୍ଯ୍ୟଙ୍କ ତାପେ ତାପିତ ମୁହିଁ
ନାହିଁ ମୋ ନିଜ ଧାରା
ତାଙ୍କ ଆୟତ୍ତେ ସୀମିତ ମୁହିଁ
ନାଁ ଟି ମୋର ଖରା ll
