ନାଲିରକ୍ତ

କାହିଁକି ଗଢିଛ ଜାତିର ପ୍ରାଚୀର

ହିନ୍ଦୁ ମୁସଲିମ କହି

ଶିଖ,ଖ୍ରୀଷ୍ଟିୟାନ,ଜୈନ ଓ ବୌଦ୍ଧ

କେହି ତ ଅଲଗା ନାହିଁ ।

ସଭିଏଁ ମଣିଷ ଗୋଟିଏ ଜାତିର

କରିବ କି ଅସ୍ୱୀକାର

ସଭିଙ୍କ ଦେହରେ ନାଲି ରକ୍ତ ଝରେ

ଆସ କାଟି ଦେଖିପାର ।

ହିଂସା ଦ୍ଵେଷ ହୃଦେ ଅଜ୍ଞାନ ବଳରେ

କରିଅଛ ଭରପୁର

ନିଜ ରକତରେ ଖେଳୁଅଛ ହୋଲି

ନାଲି ରଙ୍ଗ ସେ ରୁଧିର ।

ମିଶିଗଲା ପରେ ସଭିଙ୍କ ରକତ

ମିଳେନା ଅଲଗା ରଙ୍ଗ

ରକତ ନୁହେଁ ସେ ମିଳନ ସଂକେତ

ସମାଜରେ ଭ୍ରାତୃତ୍ବର ।

ସଭିଏଁ ସନ୍ତାନ ସୃଷ୍ଟି ସ୍ରଷ୍ଟାଙ୍କର

ଭିନ୍ନ ଧର୍ମ ଅବିଚାର

କର୍ମ ଏକ ଧର୍ମ ସତ୍ୟ ନ୍ୟାୟ ଧର୍ମ

କର ସର୍ବେ ଆପଣାର ।