ନାହିଁ ଅଭିଯୋଗ
ନାହିଁ ଅଭିଯୋଗ
ନାହିଁ ତିଳେ ଅଭିଯୋଗ ତୁମ ପାଖେ ହେ ମୋର ଆରାଧ୍ୟ
ତୁମ ପାଇଁ ହିଁ ସାଧନା ତୁମେ ମୋର ଏକମାତ୍ର ସାଧ୍ୟ।
ହସ ଲୁହ ଯେତେ ମୋର ସେ ତ ସବୁ ମୋ କର୍ମ କାରଣେ
କିବା ଲାଭ ଦୋଷ ଦେଇ ତୁମେ ବି ତ ନିଜ ପାଖେ ବାଧ୍ୟ।
ତୁମେ ଏକା ନିରପେକ୍ଷ ଆଉ ସବୁ ପକ୍ଷପାତୀ ଏଠି
ତୁମ ପଦେ ହିମ ଛାୟା ବୈଶାଖର ଜ୍ଵଳନ ସବୁଠି।
ଜୀବନର ଜଉ ଘରେ ତୁମେ ହିଁ ତ ବଞ୍ଚିବାର ରାହା
ତୁମ ବିନା ସତେ ପ୍ରଭୁ ମଉଳା ମୋ ବେଶ ପରିପାଟୀ।
ଯହିଁ କି ଯା ସାଜେ ଭଲ ତାହା ତୁମେ ଦିଅ ସିନା ଖଞ୍ଜି
ଯାହାକୁ ଯା ଲୋଡ଼ା ତୁମେ ସେ ଦରବ ଆଣି ଦିଅ ଖୋଜି ।
ମୁଁ ସିନା ଅବୁଝା ହୋଇ ଭାଙ୍ଗିପଡେ ଦୂଃଖେ ପ୍ରତିଥର
ସେ ଦୁଃଖ କଲ୍ୟାଣକାରୀ ବିଳମ୍ବରେ ପାରେ କିନ୍ତୁ ହେଜି।
ସେ ପାଇଁ ମୋ ଅଭିଯୋଗ ନାହିଁ କେବେ ତୁମ ଆଗେ ପ୍ରଭୁ
ଏତିକି ପ୍ରାର୍ଥନା କିନ୍ତୁ ଏ ଅଧମ ସଦା କୃପା ଲଭୁ।