ମୁଁ ତୁମ ରାଧା
ମୁଁ ତୁମ ରାଧା
1 min
163
ମୁହଁରୁ ହଟାଅ ପରଦା,
ଜାଣିବ ତୁମ ରାଧା।
ମୋର ସର ଲବଣୀ
ତୁମର ମନ କିଣି ।
ରଖିଛି ମୋର ପାଶେ
କେବେ ନ ପାର ଜିଣି ।
ତେବେ ତ କରୁଛ ଶରଧା,
ଜାଣିବ ତୁମ ରାଧା ।
ଯଉବନ ଜୁଆର
କଲା ଯମୁନା ପାର ।
ଆଙ୍କିଦିଅ ଅଧରେ
ତୁମ ଚୁମ୍ବନ ଗାର ।
ହୋଇବା ଆମେ ଅଧା ଅଧା
ଜାଣିବ ତୁମ ରାଧା ।
ମୁହିଁ ତୁମର ପ୍ରେମ
ତୁମେ ମୋ ଉପାସକ ।
ପ୍ରେମରେ ବୁଡିଯାଅ
ନ ହୁଅ ଛକପକ ।
କାହିଁକି ଦେଉଅଛ ବାଧା,
ଜାଣିବ ତୁମ ରାଧା।
ଆମ ପ୍ରେମ କାହାଣୀ
ସାରା ଜଗତ ଜାଣୁ ।
ପ୍ରେମ ତରଙ୍ଗ ମାଳା
କବିତାରେ ବଖାଣୁ।
ବାଣ୍ଟିଦେଉ ପୀରତି ସୁଧା,
ଜାଣିବ ତୁମ ରାଧା।