ମୁଁ ପ୍ରେମିକା ତୁମର

ତୁମେ କେତେବେଳେ ଚାଲି ଆସି

ସୁପ୍ତ ଆକାଂକ୍ଷା ଟିଏ ଆଙ୍କି ଦେଇ ଯାଅ ହୃଦୟରେ,

ନା ମୁଁ ବଞ୍ଚି ପାରେ,ନା ମୁଁ ମରି ପାରେ l

ଏଇ ବଞ୍ଚିବା ମରିବା ରେ ବି 

ମୁଁ ଭାବନାରେ ଭୋଗି ଚାଲେ

ତୁମ ପ୍ରେମକୁ ପ୍ରତି ମୁହୂର୍ତ୍ତ ।

ନିଃଶ୍ୱାସ ରେ ମହକ ଟିଏ ସାଜି 

ଛୁଇଁ ଯାଅ ମୋ ପ୍ରତ୍ୟେକ ତନ୍ତ୍ରିକୁ l

ମୁଁ ଆନମନା ହୁଏ ତୁମ କଥା ଭାବି

ଇଚ୍ଛା ହୁଏ ନିସ୍ତରିବି ତୁମ ପ୍ରାପ୍ତି ପରେ ।

ଇଚ୍ଛା ହୁଏ ପାଲଟିବାକୁ ତୁମ ସ୍ପର୍ଶରେ

ପାଷାଣି ପ୍ରେମିକା ପଥର l

ତୁମ ଛଡ଼ା କେହି ଯେମିତି ନ କୁହନ୍ତା ମୋତେ

ୟା ଉପରେ ଏକା ମୋର ଅଧିକାର ।