ମୁଁ ଏକା ତୁମରି ନାୟିକା
ମୁଁ ଏକା ତୁମରି ନାୟିକା
ତୁମ ସାଥେ ସାଥି ହେଵାପାଇଁ
ମୁଁ କେବେ ମାଗି ନାହିଁ
ଆକାଶର ତାର ଫୁଲ
ଜ୍ୟୋତ୍ସ୍ନାର ମୂଲକ କି
ସ୍ୱର୍ଗର ନନ୍ଦନକାନନ ।
ତୁମେ କାହିଁ ଭୁଲିଗଲ ଜଣାନାହିଁ ,
ଜନ୍ମ ଜନ୍ମାନ୍ତର ପାଇଁ
ସାଥିଟିଏ ହେଵା ପାଇଁ
ଦେଖୁଛି ସତ ସତିକା ସ୍ୱପ୍ନ ।
ଆଶାର ଆକାଶରେ
ମୋର ଅଛି ଅତୁଟ ବିଶ୍ୱାସ ,
ନୀରସ ଜୀବନରେ
ଭରିଦେବି ଜୀବନ ପିୟୁଷ ,
ମନର ଦେବତା ମୋର
ହୃଦୟରେ ସ୍ଥାପନ ହୋଇଛ,
ଦେହର ଛାଇ ତୁମେ
ମୋ ଆଖିର ଲୁହ
ମୋ ହସର କଦମ୍ବ ।
ଭଲ ପାଏ ତୁମକୁ ବୋଲି
ତୁମଠି ସମର୍ପି ଦେଇଛି
ମୋ ମନର ସବୁ କୋହ ।
ତୁମେ ମୋର ସ୍ମୃତିରେ
ଫୁଲଫୁଟା ଫଗୁଣ ହୋଇ
ପ୍ରୀତିର ମହକ ବିଂଛୁଛ,
ପୂର୍ଣ୍ଣିମା ଜହ୍ନ ପରି
ମନ ଆକାଶରେ ଡେଉଁଛ ,
ପ୍ରେମର ଆଲୋକରେ
ସ୍ୱପ୍ନର ପସରା ମେଲୁଛ ।
ମୁଁ ଏବେ ପାଷାଣୀଟିଏ
ଅହଲ୍ୟାପରି ତୁମ ବାଟ ଚାହିଁଛି
ତୁମେ ପାଦ ରଖିଲେ
ମୋକ୍ଷ ମୁଁ ପାଇବି
ଅଭିମାନ କରୁନାହିଁ
ଚକୋରି ପରି ଲୁହ ଝାରୁଛି ।
ବସନ୍ତର ଫୁଲଭରା ଉପବନେ
ତୁମେ ମୋର ପ୍ରଜାପତି
ମନ ଆକାଶର ରୁପା ଜହ୍ନ,
ଜୀବନର ସବୁଜିମା ତୁମେ
ଏକା ପରିଚୟ ମୋ ଜୀବନର ।
ମୋର କିଛି ଯାଚନନା ନାହିଁ
ମୋତେ ବଂଚିତ କର ନାହିଁ
ମୁଁ ଏକା ତୁମରି ନାୟିକା ।