ମୁଁ ଏକ ଅଚିହ୍ନା ମଣିଷ

ଅପରିଚିତ ମୁଁ 

ଦୁନିଆ ଭିଡରେ 

ଆତ୍ମସ୍ଥ ଯେତେ 

ଯାତନା ରେ ଥାଏ ଡୁବି, 

ପଢି ପାରେ ଯଦି 

ମୋ ମନ ଭାଷା କେ

କହେ ମୋତେ "ଅନୁଭବୀ "

ସ୍ତୀମିତ ଦୀପାଳୀ 

ମୁଁ ଏକ ସଂଧ୍ୟାର 

ସ୍ବପ୍ନ ମୋ ପରାହତ,

ଦୁର୍ବାର ଯେତେ 

କାମନା ମୋ - 

ଊର୍ଦ୍ଧ୍ବ ବାୟୁ ଗର୍ଭେ ନିମଜ୍ଜିତ

ନିରୁଦ୍ଦିଷ୍ଟ ସତ୍ତା 

ଦୁନିଆ ମେଳାରେ 

ମୁଁ ଅନୁଚ୍ଚାରିତ ସ୍ବର, 

ଶବ୍ଦ ଟିଏ ମୁଁ 

କବି ଲେଖନୀର 

ଅନ୍ତରସ୍ଥ ଭାବଧାର

ଅନ୍ତରାତ୍ମା ମୋର 

ଚିର ପ୍ରଶ୍ନବାଚୀ 

ମୁଁ କିଏ? ମୁଁ କିଏ? 

ନିଜ ଭିତରେ ମୁଁ 

ଖୋଜୁଛି ନିଜକୁ 

ପ୍ରତି ଥର ପାଏ

ଗୋଟିଏ ଉତ୍ତର

"ଅଚିହ୍ନା ମଣିଷ ଟିଏ"।