ମୁଁ ବି ହସିବି ଲୋ ସେମିତି

ଯଦି ରାତି ସରିଗଲା ପରେ ଦିନ ଫେରି ଆସୁଛି

ଯଦି ପଙ୍କଜରେ ଫୁଲ ଫୁଟି ମନୋହର ଦିଶୁଛି

ଆକାଶରେ ପକ୍ଷୀ ଉଡି ଯେତେ ଖୁସି ହେଉଛି

ମୁଁ ବି ହସିବି ଲୋ ସେମିତି

ମୁଁ ବି ହସିବି ଲୋ ସେମିତି

ଭଲ ପାଉଥିଲି ତତେ ଦେଇଥିଲି ସିନ୍ଦୂର

କେମିତି ଆଉ କାହାକୁ କରି ନେଲୁ ନିଜର

ତୋ କୋଳରେ ଖେଳୁଥିଲା ମନୋହର ପୁଅଟେ

ଆଜିବି ଲୋ ସେ ଖୋଜୁଛି ମାଆ ମା' ଡାକେ

ଭୁଲିଯିବି ଅତୀତକୁ ଆଖି ଲୁହ ପୋଛିକି

ମୁଁ ବି ହସିବି ଲୋ ସେମିତି

ମୁଁ ବି ହସିବି ଲୋ ସେମିତି

ତତେ ଭଲ ପାଇବାର ଦେଲୁ ଏ କି ପାଉଣା

ହୃଦୟ ବି କାନ୍ଦୁଛି ଲୋ ଛାତି ତଳେ ଯନ୍ତ୍ରଣା

ଦିନ ଥିଲା ରହୁଥିଲୁ ସାଥି ଆମେ ପାଖରେ

ବଦଳିଲା ସେ ସମୟ ରହୁଛୁ ଲୋ ଦୂରରେ

ଏ ଜଗତେ ପୁଣି ଥରେ ନୂଆ ସ୍ୱପ୍ନ ଦେଖିବି

ମୁଁ ବି ହସିବି ଲୋ ସେମିତି

ମୁଁ ବି ହସିବି ଲୋ ସେମିତି

ଯଦି ଝିପିଝିପି ବର୍ଷା ପରେ ଇନ୍ଦ୍ରଧନୁ ଦିଶୁଛି

ଯଦି ଟୋପା ଟୋପା ଜଳ ବିନ୍ଦୁ ସିନ୍ଧୁ ଗଢି ପାରୁଛି

ଉଆଁସୀ ପୂନେଇ ଜହ୍ନ କାହିଁ ପାଇଁ ଖୋଜିବି

ମୁଁ ବି ହସିବି ଲୋ ସେମିତି

ମୁଁ ବି ହସିବି ଲୋ ସେମିତି