ମୁଁ ଆଉ ମୋ ନୀରବତା
ମୁଁ ଆଉ ମୋ ନୀରବତା
ମୁଁ ଆଉ ମୋର ନୀରବତା
କଥା ହେଉ ସାଥେ ସାଥେ
କେହି ଅଙ୍ଗୁଳି ନିର୍ଦ୍ଦେଶ କରେନା
ବୁଝେନା ଶୁଣେନା ଆମ କଥା
ସମୟ ବି ବାଧକ ସାଜେନା
ମୁଁ ଆଉ ମୋ ନୀରବତା
ସାଥେ ସାଥେ ପ୍ରଗଲ୍ଭତା
ନୀରୁଦ୍ଦିଷ୍ଟ ହେବାକୁ ପଡେନା
ପଢ଼ିହୁଏ ହୃଦୟ ଓ ମନ କଥା
କାଚ ପରି ଭାଙ୍ଗିଯାଏନା ହୃଦୟ
ମନତଳେ ନଥାଏ ବ୍ୟଥା
ମୁଁ ଆଉ ମୋର ନୀରବତା
ଦୁହେଁ ଦୁହିଁଙ୍କ ସ୍ପର୍ଶରେ ବିଭୋରତା
ଏମିତିକି ନୀଳକଇଁ କହେନାହିଁ
ଜହ୍ନକୁ ଚାହିଁ ଆମେ ହେଉ କଥା
ଋତୁମାନେ ଚମକି ଯାଆନ୍ତି ନାହିଁ
ଯେଣୁ ଆମ ଭିତରେ ଗଭୀର
ବିଶ୍ୱାସନୀୟତା ଓ ହୃଦସ୍ପର୍ଶି କଥା
ମୁଁ ଆଉ ମୋ ନୀରବତା
ବୁଝିପାରୁ ପରସ୍ପରର ହୃଦୟବ୍ୟଥା
ଆପତ୍ତି ନଥାଏ କାହାର
ବରଂ ଆମ ଭିତରେ ନିର୍ଦ୍ଵନ୍ଦ ଶହନଶୀଳତା
ହୃଦୟ କାଚ ଭାଙ୍ଗିଯାଏନା ସହୃଦୟତା
ମୁଁ ଆଉ ମୋ ନୀରବତା
ଧୋକା ନୁହେଁ ପରସ୍ପର ଭିତରେ
ବିରଳ ପୁଣି ସାବଲୀଳ ପ୍ରତିଶ୍ରୁତିବଦ୍ଧତା
ମୁଁ ଆଉ ମୋ ନୀରବତା
ଅନ୍ତତଃ ଆମଭିତରେ ନାହିଁ ପ୍ରତାରଣା
ଦୁହେଁ ଦୁହିଁଙ୍କ ମାର୍ମିକ ଅନ୍ତଃ ଉଦାସୀନତା