ଲାଇବ୍ରେରୀ
ପ୍ରୋଫାଇଲ୍
ମରୁଭୂମିରେ ଆଜି
ମରୁଭୂମିରେ ଆଜି
ମରୁଭୂମିରେ ଆଜି ଜଳ ମିଳିଲା ମୋତେ
ତୁମେ ମୋ ଜୀବନେ ଆସିଲା ପରେ
ହଜି ଯାଇଥିବା ଖୁସି
ଆଜି ଆଉ ଥରେ ମୁଁ ପାଇଛି ଫେରି।।
ମରୁଭୂମିରେ ଆଜି ସପନ ଫୁଟିଛି ପୁଣି
ତୁମ ସ୍ପର୍ଶ ପାଇ
ଲାଗୁଛି ମୋତେ ଯେମିତି ଆଜି
ମୁଁ ପାଇଛି ସବୁ କିଛି ଫେରି।।
ମରୁଭୂମିରେ ଆଜି ଫୁଟିଛି ଫୁଲ
ନାହିଁ ଆଉ ତାହା ଭୂମି ହୋଇ ଶୁଷ୍କ
ପୁଣି ସେଥିରେ ଖେଳି ଉଠିବ
ଆଉ ଥରେ ହସଖୁସିର ଘର।।
ମରୁଭୂମିରେ ଆଜି ବିତାଇଛି ମୋ ଜୀବନ
ଜାଣିଥିଲି ମୋ ଈଶ୍ବର କରିବେ ପୂରଣ
ଯାହା ଥିଲା ମୋ ଜୀବନେ ଅଭାବ
ତୁମକୁ ପାଇ ଲାଗିଲା ଈଶ୍ୱରଙ୍କ ଆଶୀର୍ବାଦ।।
ମରୁଭୂମିରେ ଆଜି ଆସିଛ ତୁମେ
ଆଣିଛ ଫଗୁଣର ପ୍ରେମ ରଙ୍ଗ ପୁଣି ମୋ ଜୀବନେ
କଥା ଦିଅ ମୋତେ
ସାଜିବ ନାହିଁ ତୁମେ ଅନ୍ୟ ପରି ମରୀଚିକା କେବେ।।
ମରୁଭୂମିରେ ଆଜି ସାଜିଛ ତୁମେ ବର୍ଷା
ମେଣ୍ଟାଇବାକୁ ଆସିଛ ମୋ ଜୀବନେ ତୃଷ୍ଣା
ଭରି ଦେଇଛ ମୋ ଜୀବନେ ପୁଣି ଥରେ ଆଶା
ପୁଣି ମୋ ଜୀବନେ ସୃଷ୍ଟି କରିଛ ବିଶ୍ୱାସ ଓ ଭରସା।।
ମରୁଭୂମିରେ ଆଜି ତୁମେ ଫୁଟେଇଛ
ପୁଣି ହସର ତରଙ୍ଗ
ମୋତେ ପୁଣି ଦେଖାଇଛ ସପନର ରାଇଜ
ଯେଉଁଠି ମୁଁ ରାଜକୁମାରୀ ତ ତୁମେ ମୋ ରାଜ କୁମାର।।
ମରୁଭୂମିରେ ଆଜି ତୁମେ
ଆଣିଛ ଶୀତଳ ଯେ ଏତେ
ତାହା ତୁମ ପ୍ରେମରେ ହୋଇଛି ପୁଣି ପ୍ରଫୁଲ୍ଲିତ ଏମିତି ଭାବରେ
ଲାଗୁଛି ଯେମିତି ମରୁଭୂମି ପାଲଟି ଯିବ କାଶ୍ମୀରର ବଗିଚାରେ।।
ମରୁଭୂମିରେ ଆଜି ତୁମେ
ଲେଖି ଦେଲ ଏମିତି ଆମ ପ୍ରେମର ଗାଥା ଯେ
ଯାହା ଆଉ ଲିଭିବ ନାହିଁ କେବେ
ଯେତେ ଆସିଲେ ବି ଝଡ଼ ବର୍ଷା ଏ ଜୀବନେ।।
ମରୁଭୂମିରେ ଆଜି ତୁମେ ଆଣିଛ ଲକ୍ଷେ ଫଗୁଣ
ସଞ୍ଚାର କରିଛ ପ୍ରେମର ସାଗର
ନ ଲାଗୁ ସେଥିରେ କାହାରି ନଜର
ରହି ଥାଉ ଆମ ଉପରେ ଈଶ୍ୱରଙ୍କ ଆଶୀର୍ବାଦ।।
