ଲାଇବ୍ରେରୀ
ପ୍ରୋଫାଇଲ୍
ମୃତ ସ୍ମୃତି
ମୃତ ସ୍ମୃତି
1 min
275
କବର ଭିତରୁ ମୃତ ସ୍ମୃତିସବୁ ହାତ ଠାରି ଡ଼ାକୁଥାଏ
ଗୋଲାପୀ ମନର ରକ୍ତିମ ଆଭାରେ ଲୁହ ହୋଇ ଝରିଯାଏ
ତଥାପି ହୃଦୟେ ତୁମ ସ୍ମୃତିଶିଖା ଲିଭି ଲିଭି ଜଳୁଥାଏ
ଶୀତୁଆ ସଂଧ୍ୟାରେ ଉଷୁମ ଲୁହର ସ୍ପର୍ଶରେ ବତୁରିଯାଏ
ସ୍ମୃତିର ପ୍ରଦୀପ ଲିଭିଗଲା ପରେ ଆଖିରୁ ନିଦ ହଜାଏ
ମୃତସ୍ମୃତି ଧାରେ ହୃଦୟ ସ୍ପନ୍ଦନ ଧୀରେ ଧୀରେ ବଢୁଥାଏ
ବିଦୀର୍ଣ୍ଣ ମନଟି ନିଦ ବିକି ବିକି ସ୍ଵପ୍ନ କିଛି କିଣୁଥାଏ
ସ୍ଵପ୍ନର କୋଳରେ ମୁଣ୍ଡ ଗୁଞ୍ଜି ଦେଇ ରାତିକୁ ଭୁଲାଇଦିଏ
ପୂର୍ବ ସ୍ମୃତିକୁ ପାଶୋରୀ ନୂଆ ଜୀବନକୁ ଆଦରେ କୋଳେଇ ନିଏ
ତଥାପି ସ୍ମୃତିର ଅଭୁଲା ମୁହୁର୍ତ୍ତ ମନୁ କି ପାଶୋରି ଯାଏ ??
ମୃତ ସ୍ମୃତିସବୁ ସପନରେ ଆସି ନିଦକୁ ଚୋରେଇ ନିଏ
ରାତ୍ରୀର ଆକାଶେ ମଲାଜହ୍ନ ସାଜି ଦୂରେ ରହି ହସୁଥାଏ
ନୀରବ ପ୍ରହରେ ଶୂନ୍ୟତାକୁ ଭାଙ୍ଗି ଚୁପି ଚୁପି ଗୀତ ଗାଏ
ଶେଫାଳି ପରି ସେ ଫୁଟି ନୀରବରେ, ନୀରବରେ ଝରି ଯାଏ
ମୃତସ୍ମୃତିର ଜୁଇରେ ନିତି ଜଳେ ମୁଁ ଯେ, ଜଳି ପୁଣି ଲିଭିଯାଏ
ମୃତସ୍ମୃତିର ସହରେ ନିତି ହଜେ ପୁଣି ନିଜକୁ ମୁଁ ଖୋଜି ପାଏ ।।
