କେମିତିକା ଏ ସ୍ୱାଧୀନତା

ପୂଣ୍ଯ ଭୂମି ମୋର ଏ ଭାରତ ମାଟି

ପୂଣ୍ଯ ମୋ ଜନମ ଭୂଇଁ 

ଗାନ୍ଧୀ ଗୋପବନ୍ଧୁ କେତେ ମହାପୁରୁଷ 

ଲଢିଥିଲେ ସ୍ୱାଧୀନତା ପାଇଁ ।

ସତେ ଯେମିତି ତାଙ୍କ ବଳିଦାନ ଆଜି

ଗଲାଣି ତୁଚ୍ଛ ହୋଇ 

ଅହିଂସା ମାର୍ଗ ଛାଡି ହିଂସା ମାର୍ଗରେ

ଯାଉଛି ସମାଜ ଧାଇଁ ।

ନାରୀ ନିର୍ଯ୍ଯାତନା ହୁଏ ବଧୂ ହତ୍ୟା

ଚାଲିଛି ଏଠି ବଢି

ଶିକ୍ଷିତ ଯୁବକ ଏଠି ଦାଦନ ଶ୍ରମିକ 

ସାଜିଛି ଅର୍ଥ ବଇରି ।

ସ୍ୱାଧୀନ ଭାରତର ସନ୍ତାନ ବୋଲି

ଆଜି'ବି ଆମେ କହୁଛୁ

ଦୁର୍ନୀତି ପରେ ଦୁର୍ନୀତି ଏଠି ଚାଲିଛି

ସତେ'କି ସ୍ୱାଧୀନ ହୋଇଛୁ ।

କେମିତିକା ଏ ସ୍ୱାଧୀନତା ଆମର

ଆଜି'ବି ହୁଏ ଭୃଣ ହତ୍ୟା

ଅସହାୟ ଲୋକଙ୍କୁ ନ୍ୟାୟ ମିଳେନି

ହୁଏ ଖାଲି ଲୋକ ହସା ।