ମର୍ଡନ ବୋହୁ

ଆଜିକାଲି ବୋହୁ ଏମିତି ହେଲଣି

ଶୁଣିବ କହୁଛି ଭାଇ

ଶାଶୁ, ଶଶୁର କହାକୁ ନ ମାନନ୍ତି

  ବୁଲୁଥାନ୍ତି ସାହି ସହି ॥

ଆଠଟା ବେଳକୁ ସେଜକୁ ଛାଡନ୍ତି

  ଲୋଡା ତାଙ୍କ ଚାକରାଣୀ

ବେଡ ଟି ତାଙ୍କୁ ନଦେଇ ପାରିଲେ 

  କଥାରେ ଦିଅନ୍ତି ହାଣୀ ॥

ବୋହୁ ଘରେ ବସି ଟିଭି ଦେଖୁଥାଏ

  ଶାଶୁ କରୁଥାଏ ରୋଷେଇ

ଖାଇବା ଟିକିଏ ଖାରାପ ହୋଇଲେ 

  ଶାଶୁ କାନ୍ଦୁଥାଏ ସକେଇ ॥

ବୋହୁ ନିତି ଯାଏ ପାର୍କ ସିନେମା

  ହାତରେ କୁକୁର ଧରି

ଶାଶୁ ଶଶୁର ଘରେ ପଡିଛନ୍ତି

  ଭାଗ୍ୟକୁ ଆଦର କରି ॥

ହାଇହିଲି ସାଙ୍ଗେ ମିନି ସ୍କଟ ପିନ୍ଧି

  ବୋହୁ ମାରୁଥାଏ ହେଣ୍ଟି

ଦେଢଶୁର , ସ୍ୱାମି କିଛି ନ ମାନନ୍ତି

  କ୍ଲବରେ ତାହାର ଖଟି ॥

ଓଷା ପରବ ତ ସାତ ସପ୍ନ ହେଲା

  କିଛିତ ନ ଜାଣେ ବୋହୁ

ଶାଶୁ କହିବାରୁ ବିଦେଶି ଶବଦ

  ମାରୁଅଛି ଧାଉଁ ଧାଉଁ ॥