କବିତା ଆଳାପ-04 : ତରୁଣ -ଡକ୍ଟର କୃତ୍ତିବାସ ନାୟକ
କବିତା ଆଳାପ-04 : ତରୁଣ -ଡକ୍ଟର କୃତ୍ତିବାସ ନାୟକ
ମନକହେ ଆମ ପୁଅ-ଝିଅ ଜନ୍ମ ହେଉହେଉ ବଢିଯାଉ,
ସଂସାର ଯାକର ଯେତେ ଭଲଚିଜ ଦେଉଦେଉ ଖାଇନେଉ |
ଵର୍ଷକ ଭିତରେ ଚାଲିବା ବୁଲିବା କହିବା ଖେଳିବା ଦେଖୁ,
ଦୁଇବର୍ଷରେ ସେ ପ୍ରୋଜେକ୍ଟ କରିବ ବସ୍ତାନି ବୋହିବା ଶିଖୁ |
ତିନିବର୍ଷ ହେଲେ ରାଇମ ଗାଇବ କେଜିର ପ୍ରଥମ ହେବ,
ଚାରିବର୍ଷ ହେଲେ କମ୍ପୁଟର ଧରି ଭିଡିଓ ଚଳାଉ ଥିବ |
ପାଞ୍ଚବର୍ଷ ହେଲେ ସବୁ ଜାଣିଯାଉ ନିଜକାମ ନିଜେ କରୁ,
ଛଅ ବର୍ଷରେ ସେ ଗୀତ ନାଚ ଚିତ୍ର ଖେଳର କୋର୍ସ ସାରୁ |
ସାତବର୍ଷ ହେଲେ ପାଞ୍ଚ ବର୍ଷ ବୋଲି ଲେଖାଯାଉ ଶ୍ରେଣୀରେ,
ଆଠବର୍ଷରେ ସେ ହାତୀଛୁଆ ପରି ଚାଲୁଥିବ ତା' ବାଟରେ |
ଅଣ୍ଡା ମିଠା ତେଲଛଣା-ମାଗି ଆଉ ଯେତେ ଫାଷ୍ଟଫୁଡ ଅଛି,
ଘରେ କି ବାହାରେ ଭୋଜିଖିଆ ବେଳେ ଖାଇଯାଉ ବାଛି ବାଛି |
ତରୁଣ ହେବାକୁ ଦେବୁନି ପିଲାଙ୍କୁ ଏକାଥରେ ହେଉ ଯୁବକ,
ପଢୁ ପଢୁ ପାଠ ଚାକରି କରୁ ସେ ବିଦେଶରେ କରୁ ସଅକ |