କବିତା ଆଳାପ-06 : ନାରୀ :

ଆମଦେଶ ନାରୀ ପୂଜା ରୀତି-ନୀତି ବ୍ରତକୁ ଜାଣନ୍ତି ବେଶି,

ନାରୀ ସୁରକ୍ଷାରେ କି ନିୟମ ଅଛି ପଚାରିଲେ ଦେବେ ହସି |

ବାବାଜୀ ମାତାଙ୍କୁ ବିଶ୍ଵାସ ଅଧିକ ତାଙ୍କ ପ୍ରତି ଭକ୍ତି ବେଶି,

ନିଜ ପିତା-ମାତା ଶାଶୂ-ଶ୍ଵଶୁରଙ୍କୁ ଦିଅନ୍ତି କୋଣକୁ ଠେସି |

ଗୋଟିଏ ଜାତିକୁ ମାରିଦେବା ପାଇଁ ଯଦି ଶତ୍ରୁ ଖୋଜୁଥିବେ,

ଧର୍ମ ସଂପ୍ରଦାୟ ଭିତରେ କଳହ ମଞ୍ଜିଟିଏ ପୋତିଦେବେ |

ଅଦଳ ବଦଳ କରିଲେ ଟଙ୍କାକୁ ବଢେନାହିଁ ଟଙ୍କା ମାନ,

ଅଦଳ ବଦଳ କରିଲେ ଭାବକୁ ବଢିଯାଏ ବହୁଗୁଣ |

ଶବ୍ଦଟି ତୁଣ୍ଡରୁ ବାହାରିଲେ ତାକୁ କେହି ଧରିପାରେ ନାହିଁ,

ସେହି ଶବ୍ଦ କିନ୍ତୁ ସମସ୍ତଙ୍କ ମନ ଦେହକୁ ପାରିବ ଛୁଇଁ |

ଅକୁହା କାହାଣୀ ଶବ୍ଦର ମାଲିକ ହୋଇ ଆମେ ରହିଥାଉଁ,

ସଂଯମୀ ନ ହୋଇ କହିଦେଲେ କଥା ସେ ଶବ୍ଦର ଦାସ ହେଉ |