ଲାଇବ୍ରେରୀ
ପ୍ରୋଫାଇଲ୍
ମୋର ଅଙ୍ଗେ ଲିଭା କଥା
ମୋର ଅଙ୍ଗେ ଲିଭା କଥା
1 min
177
ଶ୍ରମିକଟିଏ ମୁଁ ଶ୍ରମିକଟିଏ
ଶ୍ରମର ସାଧକ ମଣିଷଟିଏ
ରାସ୍ତା ଘାଟ ଠାରୁ ନାଳ ନର୍ଦ୍ଦମା
ସବୁ କାମ ପାଇଁ ଲୋଡ଼ା ମୁଁ ହୁଏ
ଶ୍ରମିକଟିଏ ମୁଁ ଶ୍ରମିକଟିଏ ll
ପୋଲ ବନ୍ଧ ବଡ଼ କୋଠା ବଡ଼ ବଡ଼
ବିଦ୍ୟୁତ ଯୋଗାଣ ଅବା ତାର ବାଡ଼
ଜଳ ଯୋଗାଣ ବା କେନାଲ ଖନନ
ସବୁ କାମ ପାଇଁ ଖୋଜା ମୁଁ ହୁଏ
ଶ୍ରମିକଟିଏ ମୁଁ ଶ୍ରମିକଟିଏ ll
ଶ୍ରୀହୀନ ମୋହର ଭଙ୍ଗା କୁଡ଼ିଆ
ଖଟି ଖାଇବାତ ନିତି ଦିନିଆ
ଦୁଃଖରେ ଥିଲେ ବି ମୋ ପରିବାର
ଆନ ପାଇଁ ଶ୍ରମ ନିତି ମୁଁ ଦିଏ
ପେଟ ପାଇଁ ଦାନା ମୁଠାଏ ପାଏ
ଶ୍ରମିକଟିଏ ମୁଁ ଶ୍ରମିକଟିଏ ll
ହେଲେ ସୁରକ୍ଷିତ ଶ୍ରମ ଆମର
ହସିବ ମୋ ଘର ମୋ ପରିବାର
ମୁଣ୍ଡେ ଶିରାସ୍ତ୍ରାଣ ପାଦରେ ଜୋତା
ଅଣ୍ଟାରେ ଗାମୁଛା ଭିଡ଼ି
କାମ କରିଯିବା ଶ୍ରମିକ ଭାଇରେ
ନିଶା ପାଣି ଦେବା ଛାଡ଼ି
ସୁରକ୍ଷା ମଶାଲ ଉଡାଇବା ଚାଲ
ଅଙ୍ଗେ ନିଭାଇ ମୁଁ ଏକଥା କହେ
ଶ୍ରମିକଟିଏ ମୁଁ ଶ୍ରମିକଟିଏ
ଶ୍ରମର ସାଧକ ମଣିଷଟିଏ ll
