ମୋନାଲିସା ହସ

କେହି ବୁଝି ନାହିଁ ବୁଝି ପାରିବେନି

           ପ୍ରଚ୍ଛଦପଟ୍ଟ ରହସ୍ଯ, 

ଯେଉଁ କଳ୍ପନାର ବାସ୍ତବ ରୂପ

          ଏ ମୋନାଲିସାର ହସ। 

ଅଛି କିଏ କାହିଁ ଖୋଜି ଆଣ ଯାଇ

          ନ ହସି କେ ରହୁଥିବ , 

ହସ ନାହିଁ ଯଦି ଓଷ୍ଠରେ ସେ ଜନ 

         ନିଶ୍ଚେ ଜଡ଼ ହୋଇଥିବ ।

କିଏ ହସିଥାଏ ଦୁଃଖ କାତରରେ 

          କରୁଥାଏ ଅଭିନୟ, 

ସବୁ ମୋର କହି ଆଉ କେ ହସୁଛି

          ଗର୍ବ ତା'ର ପରିଚୟ। 

ଅନ୍ୟ ମୁଖେ ସ୍ମିତ ହାସ୍ଯ ଦେଖି ଦେଲେ

          ସୁଜନେ ହୁଅନ୍ତି ପୃଷ୍ଟ , 

 କୁଜନ ହସକୁ ସହି ନ ପାରନ୍ତି

          ଈର୍ଷାରେ ହୁଅନ୍ତି ରୁଷ୍ଟ। 

ମୃଦୁ ମୃଦୁ ହସ ଭାରି କଉତୁକ

          ଶତ୍ରୁ ଜିଣି ମିତ୍ର କରେ, 

ଭଲ ଅବା ମନ୍ଦ ମୋନାଲିସା ହସ

         କ୍ଳେଶ ମୁଖେ ହସ ଭରେ।