ମୋକ୍ଷ..

ହେ ମୃତ୍ୟୁ.. 

ତୁମେ ନିତ୍ୟ, ଏବଂ ତୁମେ ସତ୍ୟ, 

ତୁମେ ନିରନ୍ତର.. !

ସେଥିପାଇଁ ତ ତୁମେ 

ସଚରାଚର,ନିରାଟ ସତ୍ୟ ବାସ୍ତବ, 

ତୁମେ ଧ୍ରୁବ ସତ୍ୟ..!

ହେ ମୃତ୍ୟୁ.. 

ତୁମେ ହିଁ ବାସ୍ତବ,ତୁମେ ହିଁ ଶାଶ୍ୱତ, 

ସୃଷ୍ଟି, ସ୍ଥିତି,ଅନ୍ତଃ..! 

ସେଥିପାଇଁ ତ ତୁମେ 

ସୃଷ୍ଟି ବିଲକ୍ଷଣ ଅବସ୍ଥିତି,ଅବଶେଷ 

ତୁମେ ନିତ୍ୟ,ନୈମିତ୍ୟ..!

ପ୍ରତି ଆଗମର ଅବଶେଷ ତମେ, 

ତୁମେ ଶେଷ ନିର୍ବିକଳ୍ପ..!

ହେ ମୃତ୍ୟୁ, 

ତୁମେ ଧ୍ବଂସ ଓ ତୁମେ ହିଁ ବିନାଶ, 

ସୃଷ୍ଟି ଓଁକାରରେ ତୁମେ 

ପ୍ରତି ଆରମ୍ଭର ଶେଷ, 

ପ୍ରତି ସୃଷ୍ଟି ଆୟମାରମ୍ଭେ ତୁମେ 

ପୁଣି ଭବିଷ୍ୟତ ସଂହାର..!