ଲାଇବ୍ରେରୀ
ପ୍ରୋଫାଇଲ୍
ମୋ ସ୍ଥାନ କେଉଁଠି
ମୋ ସ୍ଥାନ କେଉଁଠି
1 min
324
ମୋ ଭିତରେ
ଦାୟବଦ୍ଧତା ଉଦ୍ ଘୋଷିତ
ଜୀବନ ଇନ୍ଦ୍ରପ୍ରସ୍ଥ
ପୁରନିର୍ମାଣର ଦାୟିତ୍ୱବୋଧତା
ମହାଶୃଙ୍ଖଳାର ଜଂଜିର
ମୋ ପାଦେ
ବାସ୍ତବତାର ଏକ
ସତ୍ୟପାଠ
ମୁଁ ଜଣେ ବର୍ତ୍ତମାନର
ସନାତନ ନାରୀ
ସାର୍ବଜନୀନ ସତ୍ୟ।
ସୌନ୍ଦର୍ଯ୍ୟର ପରମ ଭୋଗ
ସଙ୍ଗୀତର ଚରମ ଆନନ୍ଦ
ବିଶ୍ୱ ବ୍ରହ୍ମାଣ୍ଡର କେନ୍ଦ୍ର ବିନ୍ଦୁ ତ ମୁଁ
ମୋତେ ଘେରି
ନୈସର୍ଗିକ ସମ୍ପର୍କର ପରିଧି
ମୋ ବିନା ସବୁ ଶୁନ୍ୟ
ବନ୍ଧ୍ୟା ଭୁଇଁ।
ମୋ ଦୁଇ ବାହୁ
ଏ ସମାଜର ସମସ୍ତ ଆବର୍ଜନା ବୋଝ
ଉଠାଇବାକୁ ସକ୍ଷମ
ମୋ ଛାତି ସବୁ ଆପଣେଇ ନେବାର
ବିଶାଳ ଛାତଟେ
ସୁରକ୍ଷା ଦେଇ ପାରେ
ଅସୁମାରୀ ମଣିଷଙ୍କୁ।
ତୁମେ ତ ମୋ ସୌଭାଗ୍ୟ ନିୟନ୍ତା
କହିବ କି
ମୋର ସ୍ଥାନ ଏବେ କେଉଁଠି ।
