ମୋ ପିଲାଦିନ
ମୋ ପିଲାଦିନ
1 min
197
କେଜାଣି କାହିଁକି ଇଚ୍ଛା ହୁଏ ଆଜି
ଫେରିପାଇବାକୁ ମୋ ପିଲାଦିନ
ସାଙ୍ଗସାଥି ମେଳ ଲୁଚକାଳି ଖେଳ
ରୋମାଞ୍ଚରେ ଭରା ମୋ ପିଲାଦିନ ,
ବରଷାରେ ଭିଜି କାଗଜ ନଉକା
ଭସାଉଥିଲି ମୁଁ ସେତେବେଳେ
ମନ ହେଲେ ଦୁଃଖ, ଚୁପ୍ ଚାପ୍ ଯାଇ
ଶୋଇପଡ଼ୁଥିଲି ବୋଉ କୋଳେ,
ଶୁଣୁଥିଲି ଗପ, ଜେଜେ ମାଆ ପାଶେ
ନିଦ ଆସୁଥିଲା ଆଖିରେ ଧାଇଁ ,
ଶିଶୁ ମନେ ମୋର ନ ଥିଲା ତ ଚିନ୍ତା
ମିଠା ସ୍ଵପ୍ନରେ ଯାଉଥିଲି ମୁଁ ଶୋଇ ,
ହେବା ପରେ ବଡ଼, ଆଜି ମୁଁ ବୁଝୁଛି
ପିଲାଦିନ ଥିଲା କେତେ ନିଆରା ,
ଫେରିଯା'ନ୍ତି କି ଅତୀତକୁ ମୋର
ସାଉଁଟିବାକୁ କିଛି ସୁଖ ପସରା ।