ମୋ ଓଡ଼ିଶା
ମୋ ଓଡ଼ିଶା
ଏଇ ରାଇଜର ସନ୍ତାନ ମୁଁ ଅଟେ
ଏଇ ମାଟି ମୋର ମାଆ
ଉତ୍କଳ କଳିଙ୍ଗ ମୋ ରାଜ୍ୟ ଓଡ଼ିଶା
ପରିଚୟ ମୋ ଓଡ଼ିଆ ।
ଗିରି ଶିଖରରେ ମୁକୁଟ ମଣ୍ଡିତ
ବନରାଜି ସୁଶୋଭିତା
ନଦୀ ନିର୍ଝରଣୀ କୁଳୁକୁଳୁ ନାଦେ
ବକ୍ଷେ ତାର ପ୍ରବାହିତା
ଧୈ।ତ କରେ ପାଦ ତଟ ଦେଶ ତାର
ଶ୍ରୀ ସମ୍ପଦା ପରିପୂର୍ଣ୍ଣ। ।
ପରିଚୟ ମୋ ଓଡ଼ିଆ---
ଅପରୂପା ତାର ସୈ।ନ୍ଦର୍ଯ୍ୟ ଶୀରି
ଚାରୁଚିତ୍ର ଶିଳ୍ପକଳା
ପୁରୀ କୋଣାରକ ଭୁବନେଶ୍ୱରରେ
ଭବ୍ୟ ମନ୍ଦିରର ମାଳା
ଜଗତର ନାଥ ଶ୍ରୀ ଜଗନ୍ନାଥଙ୍କ
ଉଡ଼େ ନିଳାଚଳ ବାନା ।
ପରିଚୟ ମୋ ଓଡ଼ିଆ--
ଶୈ।ର୍ଯ୍ୟ ବୀରତ୍ୱ କୀରତି ଯଶରେ
ସମୁଜ୍ଜ୍ୱଳ ଇତିହାସ
କହେ କାନେ କାନେ ଜାଗ ବୀର ପୁତ୍ରେ
କର୍ମେ ତତ୍ପର ନିରଳସ
କର ସୁମରଣା ସାହିତ୍ୟ ସଂସ୍କୃତି
ଓଡ଼ିଶା ଅଟେ ଅନନ୍ୟା ।
ପରିଚୟ ମୋ ଓଡ଼ିଆ--
ସମତଳ ମୋର ମୃତ୍ତିକା ଉର୍ବରା
ଉନ୍ନତ କୃଷି କରମେ
ଶସ୍ୟ ଶ୍ୟାମଳା ବୃଦ୍ଧି ଉତ୍ପାଦନେ
ଘୁଞ୍ଚୁ ଅଭାବ କଷଣେ
ଖଣିଜ ସମ୍ପଦ ସତ ଉପଯୋଗେ
ଗଢି ଉଠୁ ଶିଳ୍ପ ନୂଆ ।
ପରିଚୟ ମୋ ଓଡ଼ିଆ----
ମୋ ସାଗର ତଟ ଉତ୍ତୁଙ୍ଗ ଶିଖର
ବାୟୁ ଜଳ ସ୍ଥଳ ପଥ
ଗମନା ଗମନ ନୈ।ଚଳାଚଳେ
ସର୍ବ କାଳେ ଉପଯୁକ୍ତ
ଆମ ଐକ୍ୟ ଯୋଗ୍ୟ ସଫଳ ସାଧନେ
ଓଡ଼ିଶା ହେଉ ଅତୁଲ୍ୟା ।
ପରିଚୟ ମୋ ଓଡ଼ିଆ---
-----+++-----