ମୋ ନାଆଁ ଟି ମୂଷା
ମୋ ନାଆଁ ଟି ମୂଷା
1 min
7.3K
Punya Prabha Devi
ମୋ ନାଆଁ ଟି ମୂଷା
ରହିଛି ମୁହିଁ ପଧାନ ଘରେ
ଗମ୍ଭାରୀ ଧାନ ଅମାର ତଳେ
ଚାଲୁଆ ନୁହେଁ ଚୁଟିଆ ନୁହେଁ
ଅଟେ ମୁଁ ଗାତପଶା ।
ମୋ ନାଆଁ ଟି ମୂଷା.।
କୁନାର ଜାମା
ଟୁନାର ବହି
ଦେଇଛି କାଟି
ରାତିରେ ନେଇ
ସକାଲ ହେଲେ
ପଡିବ ଖୋଜା
ସଜାଡି ହେବା
ନୁହେଁ ଟି ସୋଜା
କହିବେ ମାଆ
କାଟିଚି ଯିଏ
ନେଉ ରେ ତୁମ ଦଶା
ମୋ ନାଆଁ ଟି ମୂଷା।
ବୋଝେଇ ଥିଲା
ପରିବା ଝୁଡି
ନେଇ ତା ସବୁ
ଦେଇଛି ଝାଡି
ଶିକାରେ ଥିଲା
ଯେତକ ପିଠା
ଖାଇ ମୋ ପାଟି
କରିଚି ମିଠା
ସକାଳେ କୁନା
ଖାଇବା ପାଇଁ
ଦେଖିବେ ମାଆ
କିଛି ବି ନାହିଁ
ଖତମ୍ ପିଠା
ପଡିଚି ତୁଛା
ରୋଷେଇ ଘରେ କଂସା
ମୋ ନାଆଁ ଟି ମୂଷା. ।