ଲାଇବ୍ରେରୀ
ପ୍ରୋଫାଇଲ୍
ମୋ ମନ
ମୋ ମନ
1 min
127
ମୋ ମନର କଥା ଇୟେ
ମୋ ମନର ଭାଷା ଇୟେ
ବୁଝି ସେ ପାରିବ ଏକା
ଯାର ଥିବା ମନ ପରି ମନଟିଏ ।
କେତେ କଥା ସାଇତିଛି
କେତେ କଥା ଲୁଚାଇଛି,
ଇୟେ ପରା ମୋର ମନ
ତା ପରି ହେବ ଆଉ କିଏ
ବୁଝି ସେ ପାରିବ ଏକା
ଯାର ଥିବ ମନ ପରି ମନଟିଏ ।
ଆଶା ଦୀପ ତେଜି ଦିଏ
ନିରାଶାର ସାୟଂ କାଳେ
ବଂଚିବାର ରାହା ଖୋଜେ
ହତାଶାର ମହା ଜଳେ
ତା ପରି ପାଇବି କାହୁଁ
ଅନ୍ତରଙ୍ଗ ବନ୍ଧୁଟିଏ
ବୁଝି ସେ ପାରିବ ଏକା
ଯାର ଥିବ ମନ ପରି ମନ ଟିଏ ।
ଦୁନିଆଟା ପର ହେଲେ
ସେ କିନ୍ତୁ ଭୁଲେ ନାହିଁ
ସାଥେ ସାଥେ ସଦା ଥାଏ
କୁଆଡେ ସେ ଯାଏ ନାହିଁ
ମୋ ସୁଖରେ ଝୁମେ ଯିଏ
ଦୁଃଖେ ମୋର କାନ୍ଦୁ ଥାଏ
ଭୁଲି ମୁଁ ପାରିବି ନାହିଁ
ତା ପରି ସାଥିଟିଏ
ବୁଝି ସେ ପାରିବ ଏକା
ଯାର ଥିବ ମନ ପରି ମନ ଟିଏ ।
