ମୋ ମାତୃଭାଷା

ଏନ୍ତୁଡ଼ିଶାଳର କୁଆଁ କୁଆଁ କାନ୍ଦ

କରିଥିଲା ଲୋକହସା

ମୋ ଗାଆଁ ମାଟି ମୋ ମାଆଠାରୁ

ଶିଖିଲି ମୁଁ ମାତୃଭାଷା l

ଖନେଇ ଖନେଇ କଥା ମୁଁ କହିଲି

ଶିଖିଲି ମୁଁ ଶବ୍ଦ କେତେ

ଓଡିଶା ମାଟିର ଝିଅଟେ ଭାବିଲେ

ଗର୍ବ ଲାଗେ ଭାରି ମତେ l

ମିଠା ଠାରୁ ମିଠା ମୋର ମାତୃଭାଷା

ଝରେ ଅମୃତର ଧାର

ମାଁ ଶବଦ ତ ଆହୁରି ମଧୁର

ନୁହେଁ ଗୋଟିଏ ଅକ୍ଷର l

ଦିଏ କେତେ ଜ୍ଞାନ ଭଣ୍ଡାର ଆମକୁ

ଦିଏ କେତେ ସ୍ନେହ ପ୍ରେମ

ମାତୃଭାଷା ପଦେ କହି ଦେଲେ ଓଠେ

ଦେହେ ପଶିଯାଏ ପ୍ରାଣ l

ମୋ ପ୍ରିୟ ଜନନୀ ଉତ୍କଳ ମାଟି

ମୋ ପ୍ରିୟ ଓଡିଆ ଭାଷା

ରଖିଲେ ଓଡ଼ିଆ ଭାଷାର ମହତ

ଆଗେଇ ଚାଲିବ ଓଡିଶା ।