ଲାଇବ୍ରେରୀ
ପ୍ରୋଫାଇଲ୍
ମାଆ ପରି ହେବ କିଏ
ମାଆ ପରି ହେବ କିଏ
1 min
193
ମାଆ ପରି ହେବ କିଏ
ପ୍ରଥମ ଗୁରୁ ସେ ପାଖରେ ବସାଇ
କଥା କୁହାଇଛି ଯିଏ
ହାତ ଧରି ସିଏ ଚାଲି ଶିଖାଇଛି
କାନ୍ଦୁଥିଲେ ସ୍ନେହେ କୋଳକୁ ନେଇଛି
ମମତାମୟୀ ସେ ଅଭିମାନ କଲେ
ଯାହା ମାଗିବା ସେ ଦିଏ
ମାଆ ପରି ହେବ କିଏ
ରାଗ ରୁଷା କଲେ ଦିଏ ସେ ବୁଝାଇ
ଖୁଆଇ ଦିଏ ସେ ଜହ୍ନକୁ ଦେଖାଇ
ଆମର ବଳକା ଅଇଁଠା ଭାତକୁ
ନ ଫୋପାଡ଼ି ଖାଇଦିଏ
ମାଆ ପରି ହେବ କିଏ
ଜ୍ବର ରୋଗ ହେଲେ ବସଇ ପାଖରେ
ଝୁଲାଇ ଦିଏ ସେ ବସାଇ କାଖରେ
ବାଟେ ଚାଲୁ ଚାଲୁ ଖସିଯାଇ ଗୋଡ଼
ଝୁଣ୍ଟିଗଲେ ତୋଳି ନିଏ
ମାଆ ପରି ହେବ କିଏ
ଶୁଆଇ ଦିଏ ସେ ପିଠି ଥାପୁଡ଼ାଇ
ଫଳ କାଟି ଦିଏ ଚୋପାକୁ ଛଡ଼ାଇ
ଅଜାଣତେ ଦୋଷ କଲେ ରାଗେନାହିଁ
ନିର୍ମଳ ହୃଦୟଟିଏ
ମାଆ ପରି ହେବ କିଏ
ସେ ମାଆ ଚରଣେ କୋଟି ନମସ୍କାର
ଶୁଝି ନ ପାରିବି ଉପକାର ତା'ର
ନିର୍ଯ୍ୟାତନା ଦିଅ ନାହିଁ ତାକୁ କେବେ
ଯେତେ ଅଛ ପୁଅଝିଏ
ମାଆ ପରି ହେବ କିଏ ।
