ମୋ ଜୀବନ

ପୃକ୍ତ ଜୀବନ

ଅପୃକ୍ତ କାହାଣୀ

ନିର୍ଜନ ଗହନ ବନ

ନାହିଁ କିଛି ଆଶା

ଉଚ୍ଚ ଆକାଂକ୍ଷା 

ସଂତୃପ୍ତ ଅଟେ ମୋ ମନ ,

ନିଃସଙ୍ଗ ମୁହୁର୍ତ୍ତେ

ନିଜେ ମୁଁ ନିଜକୁ

କରୁଥାଏ ସଂଗଦାନ

ନାହିଁ ମୋ ଜୀବନେ

ସୁଖର କାମନା

ଅବା ଦୁଃଖ ଭରା ଅପରାହ୍ନ , 

ଲଭିଛି ସନ୍ତୋଷ

ଜୀବନରେ ମୋର

ନାହିଁ ମିଥ୍ୟା ଅଭିଳାଷ

ଯାହା ଥିଲା ଇଚ୍ଛା 

କରିଛି ପୂରଣ

ମନରେ ଭରି ବିଶ୍ଵାସ , 

ହସଖୁସି ଲୁହ

ଅନ୍ତହୀନ କୋହ

ମୋ ପାଇଁ ସବୁ ସମାନ

ପ୍ରାପ୍ତିର ଉର୍ଦ୍ଧ୍ଵେ

ଅପ୍ରାପ୍ତିର ମଧ୍ୟେ 

ସନ୍ତୁଳିତ ମୋ ଜୀବନ ,