ମୋ ହୃଦ ରଥରେ ସାରଥି ଜଗା

ପଥ ସରିଗଲା ଯାତ୍ରା ସରିଗଲା

ପୁରିଲା ତୋ ମନୋରଥ

ଏକା ଏକା ଆଜି ଆଡପ ମଣ୍ଡପେ

ବସିଛୁ ଜଗତନାଥ I

ତୋ ଆଗରେ କେହି ଗୁହାରି କରୁନି

ଦୁଃଖ କେ ଜଣାଉ ନାହିଁ

କାହା ଦୁଃଖ ଅବା ଶୁଣିବୁ କାଳିଆ

ବଡ ଦୁଃଖୀଟିଏ ତୁହି I

ମନେ ଭାବିଥିଲି ତୋ ଡୋରୀ ଲଗାଇ

ଟାଣି ନେବୁ ମୋତେ ପୁରୀ

ମର୍ତ୍ତ୍ୟ ବୈକୁଣ୍ଠରେ ରଥଯାତ୍ରା ତୋର

ଦେଖିବି ମୁଁ ମନଭରି I

କାହିଁଗଲା ତୋର ଶକ୍ତି ରେ କାଳିଆ

କିଛି ଜଣା ପଡୁନାହିଁ 

ତୋ ଅସହାୟତା ବୁଝୁଛୁିରେ ଜଗା

କି ଦୁଃଖରେ ଥିବୁ ତୁହି I

ତଥାପି ଜାଣିଛି ସୀମାହୀନ ତୁହି

କରୁଣାର ଗନ୍ତାଘର

ଆଜି ଯାହାଯାହା ଦେଖେ ଆଖି ମୋର

ସେ ସବୁ ବି ଲୀଳା ତୋର I

ସେଥିପାଇଁ ତୋତେ କିଛି ମୁଁ ମାଗୁନି

ପତାଉନି ମୋର ହାତ

ହୃଦରଥେ ତୋତେ ସ୍ଥାପନା କରୁଛି

ଚଳା ମୋ ଜୀବନ ରଥ I