ମୋ ଗାଁ

କୁଳୁରୁ କୁଳୁରୁ ଆମ ଡଙ୍ଗରିରୁ (ଛୋଟ ପାହାଡ଼)

ବୋହି ଯାଉଥିଲା ଝରଣା ରାଣୀ,

ଚାଳ କୁଡ଼ିଆର ଅଛନା ପାଲିକେ(ଅଛନା-ଚାଳ)

ତାଟିଆ ମାଜୁଛି ବାସନ୍ତି ନାନୀ

ମଝି ଦାଣ୍ଡେ କାଇ ନିମାନ୍ ଖେଳୁଛି(କାଇ ନିମାନ-କେଡେ ସୁନ୍ଦର)

ବାସନ୍ତି ନାନୀର ମଝିଆ ଝିଅ

ଗଡ଼ିଆ ବାଲିକୁ ମୁଣ୍ଡା ବାନ୍ଧୁଅଛି (ମୁଣ୍ଡା-ହୀଡ଼)

ନେବ ପାଣି ବୋଲି ଖୋଳୁଛି କୂଅ

ବାଲି ରୁଣ୍ଡେଇ କି ହୁଣ୍ଡି ଦେବତାର(ହୁଣ୍ଡି ଦେବତା-ଗାଁ ଠାକୁରାଣୀ)

ପାଇଁ କରୁଅଛି ଖୋଟଲି ହୁଣ୍ଡା (ଖଟଲି ହୁଣ୍ଡା-ଦେବୀ ପୀଠ)

ଗାଁ ଧାରିଣୀର ନାମ ଜପୁଅଛି

ଗୀତ ବୋଲି ବୋଲି ଗୋବର ଲୁଣ୍ଡା

ରାସ୍ତା କଡରୁ କନିଅର ଫୁଲ

ମନ୍ଦାର ମଣ୍ଡା ର ମାଳା ବନେଇ

ମା ଧାରିଣୀର ଉପରେ ଗୁଡେଇ

ଭକ୍ତି ନିବେଦନ ହୁଏ ମନେଇ

ବାସନ୍ତି ନାନୀର ଗେରସ୍ତ ହଳୁଆ

ହଳ ଯୋଡି ଯାଏ ଡଙ୍ଗର କଷି(ଡଙ୍ଗର -ପଡିଆ ଜମି)

ବାଙ୍ଗା,ଭେଯିରୀ,ମିରିଚି, କୁନ୍ଦୁରୁ

ଫଳିଛି କେତେଯେ ପରିବା କଶି

କୁଳୁରୁ କୁଳୁରୁ ଝୁମୁରୁ ଝାମୁରୁ

ସୁରୁ ସୁରୁ ହୋଇ ବହୁଛି ଝର,

ବନ,ପରବତ,ବାଙ୍ଗିରି,ନାଳିଆ

ସବୁଜ ଦିଶଇ ମୋ ଗାଁ ସୁନ୍ଦର