Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pallabi Das

Fantasy Others

3  

Pallabi Das

Fantasy Others

ମୋ ଗାଁ ଆଜି ସହର ପାଲଟିଛି

ମୋ ଗାଁ ଆଜି ସହର ପାଲଟିଛି

1 min
4.5K


ମୋ ଗାଁ ଆଜି ସହର ପାଲଟିଛି ,

ମାନବିକତା ମରି ସେଠି ଏବେ ରାଜନୀତି ଚାଲୁଛି ,

ଜଙ୍ଗଲ ଜାଗାରେ ଏବେ ଇମାରତ୍ ଠିଆ ହୋଇଛି,

ମଣିଷ ସେଇ ଇମାରତେ ରହି ପୁଣି ଗାଁକୁ ଝୁରୁଛି ।

ପରଫ୍ୟୁମ୍ ର ବାସନା ,

ଡ୍ରେନ୍ ର ଦୁର୍ଗନ୍ଧ ,

ଆଜି କାହିଁକି ଅଣନିଶ୍ଵାସୀ ମନେ ହଉଛି ।

ମନ ଆଜି ପୁଣି ଖୋଜୁଛି ମୋ ଗାଁର ରଜନୀଗନ୍ଧା

ଆଉ ଖୋଲା ପବନ ।

ଚଢେଇ ମାନଙ୍କ କିଚିରି ମିଚିରି ,

ବୁଢ଼ା ବରଗଛର ଥଣ୍ଡା ଛାଇ ,

ରଙ୍ଗ ବେରଙ୍ଗୀ ପ୍ରଜାପତି ,

କାହିଁକି ଆଜି ଭାରି ମନେ ପଡ଼ନ୍ତି ।

ସବୁଜ କ୍ଷେତ ,

ନୂଆଣିୟା ଗୋବର ଲିପା ଚାଳ ଛାତ ,

ଆଳୁ ପୋଡ଼ା ପଖାଳ ଭାତ ,

ଆଖି ଆଗେ ଆଜି ପୁଣି ଭାସିଯାନ୍ତି ।

ଜଳୁଥିବା ଚୁଲି ,

ଆଉ ଚୁଲି ମୁଣ୍ଡରେ ବସିଥିବା ମୋ ଗାଁ ମିଲି ,

ବିଦେଶ ଫେରନ୍ତା ଛୁଆ ଆଉ ବୁଢ଼ାବୁଢୀଙ୍କ ଆଲିଙ୍ଗନ ,

ସବୁ ଆଜି ହାତ ଠାରି ଡାକନ୍ତି ।

ମୋ ଗାଁର ଆମ୍ବ ତୋଟା ,

କଳ କଳ ନାଦରେ ବହୁଥିବା ନଦୀ ଝରଣା ,

ଆଉ ମାଆ ହାତର ମାଛ ଝୋଳ ,

ସବୁ ଆଜି ପୁଣି ଝୁରି ହଉଛି

ମୋ ଗାଁ ଆଜି ସହର ପାଲଟିଛି ।


Rate this content
Log in