ମୋ ଦୁଃଖି ଧନ

ମୋ ଦୁଃଖି ଧନ ତୁ ମୋ ହୃଦ ଚନ୍ଦନ,

ମୋ କୋଳର ଝୁଲଣା ତୁ ମନମୋହନ । ।

ତୁ ମୋ କଳା କାଞ୍ଚନ,

           ତୁ ମୋ ବାସଚନ୍ଦନ ।

ଅନ୍ଧାର ଆକାଶେ ପୁନେଇ ଜହ୍ନ । ।

ମୋ ଦୁଃଖି ଧନ ତୁ ମୋ. . . . I I୧II

ଦୁଃଖିନୀ ଦୁଃଖ ପାଶେ।ରା ଧନ ଗଳାମାଳି,

ଅଭାଗୀ ମାଆ ହୃଦର ପ୍ରେମ ରଙ୍କ ଥାଳି ।

କାହ୍ନୁ ତୋରି ବିନା, ଏଇ ମନ ବୁଝେନା

ତୁ ଏକା ମୋ ସାହା ଭରସା ଧନ।

ମୋ ଦୁଃଖି ଧନ ତୁ ମୋ . . . . II9II

ଶରୀର ସିନା ମୋର ଅଟେ ହୃଦୟ ତୁହି

ତୁ ଅଟୁ ଦେହ ଅଭାଗିନୀର ମୁଁ ତୋ ଛାଇ ।

ଗାଇ ବାଛୁରୀ ବିନା, ଯେହ୍ନେ ରହି ପାରେନା ।

ମାଆର ମମତା ଖୋଜେ ଯେସନ ।

ମୋ ଦୁଃଖି ଧନ ତୁ ମୋ . . . . II ୩ ।।

ତୋ ଭାବଡୋରେ ବନ୍ଧା ଆଜି ମୋର ଜୀବନ,

ତୁହି ସପନ ତୁ ଜୀବନ ତୁମୋ ସ୍ପନ୍ଦନ ।

ତୁ ମୋ ସୁଖଦୁଃଖ, ତୁ ମୋ ହୃଦ ପଦକ ।

ମୋ କୋଳେ ସର୍ବଦା ନେବୁ ତୁ ଜନ୍ମ ।

ମୋ ଦୁଃଖି ଧନ ତୁ ମୋ. . . . II ୪।।