Library
Profile
" ମୋ ଦେଶ ସ୍ବାଧୀନ "
" ମୋ ଦେଶ ସ୍ବାଧୀନ "
ନାହିଁ ଇଷ୍ଟ ଇଣ୍ଡିଆ କମ୍ପାନୀ
ନାହିଁ ଆଜି ଇଂରେଜ ଶାସନ ,
ହେଲେ ରାଜତନ୍ତ୍ର ଲାଠି
ଶାସ୍ତି ଅପ୍ରତିମ ଏଠି
କେମିତି ମୋ ଦେଶ ସ୍ବାଧୀନ !
ମନୁଷ୍ୟ ମନୁଷ୍ୟ ଭେଦେ
ହିଂସା, ଘୃଣା , ଦ୍ୱେଷ , ଭାବ ,
ପରସ୍ପର ମାତି ଦ୍ଵନ୍ଦେ
ଉପରେ ଭଦ୍ରର ସ୍ଵଭାବ ।
ନାହିଁ ତ ଗୋରା ମୁଲକ
ନାହିଁ ବେଠି ଖଟା ଜୀବନ ,
ହେଲେ ଭ୍ରମ ପଥ ଧାରେ
ସବୁ ବିସୂଚିକା ଗ୍ରସ୍ତ ଏଠି
କେମିତି ମୋ ଦେଶ ସ୍ବାଧୀନ !
ଜ୍ଞାନ ବାତାୟନ ରୁଦ୍ଧ
ବିଚାର ତପ୍ତରେ ହେଜେ ,
ନିଷ୍ପେସିତ ଗଣ ଦେବତା
ଆପଣା ବଇରି ସାଜେ ।
ନାହିଁ ସେଇ ସତ୍ୟାଗ୍ରହ
ନାହିଁ ସେ କ୍ରୁଶ ବହନ ,
ହେଲେ ଅସ୍ପୃଶ୍ୟ ସ୍ବାର୍ଥରେ
ତୃଷ୍ଣାର ବ୍ଯଥା ଯେ ଏଠି
କେମିତି ମୋ ଦେଶ ସ୍ବାଧୀନ !
ରୁଗଣ ମାନସିକତା
ନଗ୍ନ ରୂପ ନିର୍ଦ୍ଵନ୍ଦରେ ,
ଆଦର୍ଶ ଓ ନୈତିକତା
ଭେଦଭାବ ଅଶୁଦ୍ଧିରେ ।
ନାହିଁ ସେ ପ୍ରଶ୍ଵାସେ ଆଶା
ନାହିଁ ସେହି କ୍ରାନ୍ତି ଦିନ ,
ହେଲେ ଅସମାୟ ଜୀର୍ଣ୍ଣ
ଫୁଙ୍ଗୁଳା ତତ୍ତ୍ଵ ଦର୍ଶନ ଏଠି
କେମିତି ମୋ ଦେଶ ସ୍ବାଧୀନ !
ମୈତ୍ରୀ କରୁଣାର ଉତ୍ସ
ଅକାରଣେ ନିର୍ଯ୍ୟାତିତ ,
ସୃଜନ ଚିତ୍ତଟେ ଆଜି
ହୋଇଅଛି ଅବାଞ୍ଛିତ ।
ନାହିଁ ସେ ସତ୍ୟ ଅହିଂସା
ନାହିଁ ସେ ସୁଧା ବଣ୍ଟନ ,
ହେଲେ କର୍ତ୍ତବ୍ୟର ବାହାନାରେ
ବିବେକ ଲୁଣ୍ଠିତ ଏଠି
କେମିତି ମୋ ଦେଶ ସ୍ବାଧୀନ !
