ମୋ ବାପା

ଖରା ବର୍ଷାର ଗଛ ଛାଇ

ପଥର ତାଡି ହାତୁଡିରେ

ପିଟିପିଟି ଭାଙ୍ଗୁଥିବା ବ୍ୟକ୍ତି

ବର୍ଷାରେ ସାରା ପରିବାର 

ମୁଣ୍ଡ ଉପରେ ପଖିଆ

ଘର ବାହାର ସଫା ରଖି

ପରିଷ୍କାର ମନ

ଗୋଟିଏ କଂସାରେ ପାଞ୍ଚଟି ହାତ

ଝାମ୍ପି ଖାଆନ୍ତି ପଖାଳ

ଗୋଟିଏ ହାଣ୍ଡିରୁ 

ପଚିଶ ପ୍ରାଣୀ କୁଟୁମ୍ବ

ପାହାଡ଼ ପରି ଧୈର୍ଯ୍ୟ

ଝୁଣ୍ଟି ଯକ୍ଷ୍ମ ଗୋଡ଼ରେ ଚାଲି

ଲକ୍ଷ୍ୟରେ ପହଞ୍ଚିବାକୁ ପ୍ରୟାସ

ଦିନରାତି ପାଣିମଡେଇ

ଖେତରେ କୃଷକ 

ଜଡିବୁଟି କୁଟି ଖଲି 

ଏକାଧାରରେ ଚିକିତ୍ସକ

ଅଭୟ ମୁଦ୍ରାରେ ବସି

ମଙ୍ଗଳ କାମନା କରି

ସହିଯାଉଛି ଝଡ଼

କେତେ ଥର ଅମାନିଆ ହୋଇ

ଫାଙ୍କିଦେଇଛି କାମ

ଚୋରୀ କରିଛି ଟଙ୍କା

ତଥାପି ମିଠାଫଳ ଦେଇଛି

ଆମ୍ବ ଗଛ ମାଡ ଖାଇ

କର୍ତ୍ତବ୍ୟର ତରାଜୁରେ

ଯଦିହୁଅନ୍ତି ମପା

ପରିବାର ପାଇଁ

ଓଜନିଆ ବାପା ।।।