ମୋ ବାପା

       

ବାପା;

ଅଭିଧାନର ଏକ ଦୁର୍ମୂଲ୍ୟ ଶବଦ, 

ବ୍ରହ୍ମ ରୁ କ୍ଷରିତ ଅମୀୟ ମଧୁର

ମଧୂମୟ ସେହି ନାଦ

ବାପା ;

ଏକ ସଚେତନ ମହାଶକ୍ତି,

ସରଗଠୁ ବଡ଼

ସେ ଜୀବନର ଗତି ମୁକ୍ତି

ବାପା;

ଏକ ଅର୍ନିବଚନୀୟ ଚେତନା,

ସଂସାର ଅଗମ୍ୟ ପଥ ପ୍ରଦର୍ଶନେ

ସହେ ଯେ ଅସହ୍ୟ ଯନ୍ତ୍ରଣା

ବାପା;

ଏକ ସ୍ୱର୍ଗୀୟ ଅଲଭ୍ୟ ଦୂତ,

ପ୍ରତି ମୂହୁର୍ତ୍ତ ର ଜାଗ୍ରତ ପ୍ରହରୀ

ସହେ ଘାତ ପ୍ରତିଘାତ

ବାପା;

ଅଖଣ୍ଡ ଦୀପର ବତୀ,

ଜୀବନ ସଂଗ୍ରାମେ ନିଜେ ଜଳି ଜଳି

ଆଲୋକ ଦେଖାନ୍ତି ନିତି

ବାପା;

ଦୁଃଖନଦୀ ଜଳ ଧାର,

ଅନେକ ବନ୍ଧୁର ପଥ ଅତିକ୍ରମି

ଆସି, ପିପାସା କରେ ଯେ ଦୂର

ବାପା; 

ବସନ୍ତ ମଳୟ ପବନ

ଦଗ୍ଧ ହୃଦୟ ଚନ୍ଦନ

ମରୁଭୂମି ମରୁ ଉଦ୍ୟାନ

ସୁସ୍କ ପ୍ରାନ୍ତର ର ମଧୂଝରଣ

ସାକ୍ଷାତ ଈଶ୍ୱର ଙ୍କ ଅବତାର

ମୋ ବାପା

ଏ ଶରୀରର ସୃଷ୍ଟି କରତା

ତାଙ୍କ ପଦ୍ମପାଦ ରେଣୁ ମୋ ମଥାରେ

ଗଙ୍ଗା ମାଟିର ଚିତା; ମୋ ବାପା