ମୋ ବାପା ସବୁଠୁ ଭଲ

ବାପା ମୋର ଦୁନିଆଁରେ

ସବୁ ଠାରୁ ଭଲ

ଦୁଃଖ କଷ୍ଟ ଭୂଲି ଯାଉ

ପାଇ ତାଙ୍କ ଗେଲ ।

ଚାରି ଦିନ ରଜ ପର୍ବେ

ମନ କଥା ଜାଣି

କେତେ ଅପୂର୍ବ ପଦାର୍ଥ

ଆଣିଲେ ଯେ କିଣି ।

ଭାଇ ପାଇଁ ନୂଆ ଜାମା

ମୋ ପାଇଁ ଯେ ଶାଢ଼ୀ

ଏମିତି ପରବ ଚାଲେ 

ପିଢି ପରେ ପିଢି ।

ପହିଲି ରଜରେ ବାପା

ବାନ୍ଧି ଦେଲେ ଦୋଳି

ମିତ ମିତଣୀ ସାଙ୍ଗରେ 

କଲି କେତେ ମେଳି ।

ସଂକରାନ୍ତି ରଜ ଦିନେ

ବାପାଙ୍କର ମନ 

ମଙ୍ଗଳ ମନାସି କର 

ଈଶ୍ଵରଙ୍କୁ ଧ୍ୟାନ ।

ଭୂମି ଦହନ ଦିନରେ

ପାଖରେ ବସାଇ

ବୋଲନ୍ତି ଏମନ୍ତ ଦିନେ

ମାଟି ନଛୁଅଁଇ ।

ବସୁମତୀ ସ୍ନାନ ଅଟେ

ଶେଷ ରଜ ପାଳି

ପ୍ରଭାତରୁ ବାପା ସଙ୍ଗେ

କରିଲୁ ଗହଳି ।

ସକାଳ ସ୍ନାନାଦି କର୍ମେ

ନାହିଁଟି ଅଭ୍ୟାସ

ଚାଷ ହଳ ପରେ ବାପା

ହୁଅନ୍ତି ଉଶ୍ଵାସ ।

ଭାଇ ଭଉଣୀ ସକଳେ

ଆନନ୍ଦରେ ମାତି

ବାପାଙ୍କୁ ସ୍ନାହାନ ଦେଇ

କରାଇଲୁ ଶାନ୍ତି ।

ବାପା ମା ପରି କେହି

ସଂସାରେ ନାହାଁନ୍ତି

ତାଙ୍କରି ସୌଭାଗ୍ୟ ପ୍ରାପ୍ତେ

ବର୍ଦ୍ଧିତ ଯେ ଜ୍ୟୋତି ।