ମୋ ଅନୁଭୂତିରେ ତୁଳସୀ ଗଛ
ମୋ ଅନୁଭୂତିରେ ତୁଳସୀ ଗଛ
ଏକଦା ବସିଥିଲି ଦୁଇ ଛାତ୍ରଙ୍କ ସହ ସନ୍ଧ୍ୟା ସମୟର କଷଣ,
ଘଟିଥିଲା ବିଦ୍ୟୁତକାଟର ବର୍ବରକାଣ୍ଡ ଗରମ ହେଉଥିଲା ଭୀଷଣ l
ଘରେ ଆଉ ଜମା ବସି ହେଲାନାହିଁ,
ତେଣୁ ଆମେ ଦାଣ୍ଡକୁ ଆସିଲୁ ପଳାଇ l
ଦାଣ୍ଡଟି ମୋହର ଅଳ୍ପ ସିମେଣ୍ଟ ଅଳ୍ପ ମାଟିର ମିଶ୍ରଣ,
ସର୍ବଦା ସଜ୍ଜିତ ତୁଳସୀ ପ୍ରତିମା ଦେଖିଲେ କଟେ ସବୁ କଷଣ l
ଛାତ୍ର ମୋ ପଚାରେ ତୁଳସୀ ମହିମା କୁହନ୍ତୁ ଆଜ୍ଞା ବୁଝାଇ,
କି ଅଟେ କାରଣ ସର୍ବ ଦ୍ୱାରେ ସିଏ କାହିଁ ଏମିତି ରହିଥାଇ l
ମିଷ୍ଟ ଭାଷି କହିଲି ମୁଁ ଶୁଣ୍ ତତେ ବୁଝେଇକି କହୁଛି,
ତୁଳସୀ ଗଛ ରହିବାର ଅନେକ ବୈଜ୍ଞାନିକ ଓ ପୌରାଣିକ କାରଣ ଅଛି l
ଶୁଣ ଆଗ ମୌନ ହୋଇ,
ପୌରାଣିକ କାରଣ ଆଗ କହୁଛି ବୁଝାଇ l
ଶିବଙ୍କ ମୁଣ୍ଡରେ ବେଲପତ୍ର ପୁଅ
କାଳିଆ ମୁଣ୍ଡେ ତୁଳସୀ,
ତା' ପାଦ ସେବିଲେ ବୈକୁଣ୍ଠ ଲଭିବୁ
ହରି ଦେଖା ଦେବେ ନିଜେ ଆସି l
ଓଦା ବସ୍ତ୍ର ପିନ୍ଧି ତା ପାଦ ସେବିଲେ
ପବିତ୍ର ହୁଅଇ ମନ,
ଶୁଦ୍ଧ ହେବ ତୋର ଆତ୍ମା ସର୍ବଦା
ବିଷ୍ଣୁ ପଦେ ଥିବ ଧ୍ୟାନ 🙏
ଏମନ୍ତ ଅନେକ କାରଣ,
ଅଛି ପୁରାଣେ ବିଦ୍ୟମାନ l
ଏବେ କହୁଛି କାରଣ ବୈଜ୍ଞାନିକ,
ଭାରି ଉପଯୋଗୀ ମନେରଖ l
କ୍ଷୁଦ୍ର ବୃକ୍ଷ ହେଲେ ବି ତୁଳସୀ,
ଅମ୍ଳଜାନ ଦିଏ ସବୁଠୁ ବେଶୀ l
ବଗିଚାରେ ତାକୁ ସ୍ଥାନ ଦେଲେ,
ବାୟୁ ସ୍ୱଚ୍ଛ ରୁହେ ଭଲେ l
ଔଷଧ ଗୁଣେସୁ ବନ୍ଦିତା ତୁଳସୀ,
ଜଦି ତୋତେ କାଶ ହେଲା ବେଶୀ,
ମହୁ ସହ ପତ୍ରରସ ତା ସେବିବୁ,
ଶୀଘ୍ର ତୁ ଆରୋଗ୍ୟ ଲଭିବୁ l
ଏମନ୍ତ ଅନେକ କାରଣ,
ଆହୁରି ଅଛି ବିଦ୍ୟମାନ l
ଅଳ୍ପକେ କହିଲି ବୁଝାଇ,
ଏତକ ମନେ ରଖ ତୁହି l
ଠିକ୍ ଏତିକି କହିଛି ଲାଇଟ୍ ଆସିଲା,
ସଭା ଆମର ଭଙ୍ଗ ହେଲା l
ଛାତ୍ରମାନେ ମେଲାଣି ମାଗିଲେ ଯିବାକୁ,
ସେମାନଙ୍କୁ ବିଦାୟ ଦେଇ ମୁଁ ଆସିଲି ଘରକୁ l