ମାଆ ଜାନକୀଙ୍କ ଗୌରୀ ପୂଜନ

ଜୟଜୟ ମାତା ହିମବନ୍ତ ରାଜଜେମା l

ଜୟ ପ୍ରସନ୍ନମୁଖୀ ମାଆ ସୁଚାରୁ ଚନ୍ଦ୍ରମା ll

ଜୟ ଗଜାନନ ଜୟ ଷଡ଼ାନନ ମାତା l

ଜଗତଜନନୀ ସିଦ୍ଧିଦାତ୍ରୀ ସର୍ବ ଜ୍ଞାତା ll

ବିଶ୍ୱ ବିମୋହିନୀ ନାହିଁ ତୋର ଆଦି ଅନ୍ତ l

ବେଦ ନଜାଣେ ଯାହା ମୁଁ ଜାଣିବି କେମନ୍ତ ll

ଭଵଭୟ ହାରିଣୀ ମା' ଦୁଃଖ ବିନାଶିନୀ l

ବିଶ୍ୱ ପାଳିନୀ ମାତ ତ୍ରିଲୋକ ବିହାରିଣୀ ll

ତୋ ସେବା ଅଟଇ ଚତୁବର୍ଗ ଫଳଦାୟୀ l

ସୁଖଦା ବରଦା ସଦା ମାଆ ଦୟାମୟୀ ll

ପୁଜି ତୋହର ଅଭୟ ଚରଣ କମଳ l

ସୁର ମୁନୀ ନର ଲଭିଥାନ୍ତି ଶୁଭ ଫଳ ll 

ଦୟିନୀ ମୋ ମନୋରଥ ପୂର୍ଣ୍ଣକର ମାତା l

ପୟରେ ଶରଣ ଗଲା ଏ ଜନକ ସୂତା ll

ବିନତିରେ ପ୍ରୀତ ହେଲେ ମାତା ଶ୍ରୀ ଭବାନୀ l

ମାଳା ଖସିଲା ଗଳାରୁ ସୀତା ମନ ଜାଣି ll

ହରଷେ ବୋଲନ୍ତି ତହୁଁ ଗୌରୀ ମୃଦୁବାଣୀ l

ବର ତୋତେ ପ୍ରାପ୍ତ ହେଉ ପ୍ରଭୁ ରଘୁମଣି ll 

ଆଶିଷ ପାଇ ଜାନକୀ ସଖି ସଙ୍ଗେ ଚଳି l

ଶ୍ରୀରାମ ସମ୍ଭ୍ରମେ ଚାହିଁ ଦେଖନ୍ତି ମୈଥିଳି ll

ମିଳନ ହୋଇଲା ରାମ ସୀତା ଚକ୍ଷୁ ଚାରି l

ଜୟ ସିୟା ରାମ ଜୟ ଭକ୍ତ ମନୋହାରୀ ll