ମୋ ଅନୁଭୂତି ର ହୋଲି
ମୋ ଅନୁଭୂତି ର ହୋଲି
ମନେ ପଡେ ମୋର ପିଲା ଦିନ କଥା
ଖେଳୁଥିଲୁ ଆମେ ହୋଲି
ପିଚିକାରି ସଙ୍ଗେ ଫଗୁ ରଙ୍ଗ ପୁଣି
ଦେହେ ହେଉଥିଲୁ ବୋଳି।
ନ ଥିଲା କାହାର କୁତ୍ସିତ ଭାବନା
ନ ଥିଲା ତ ରାଗ ରୋଷ
ଶାଶ୍ଵତ ପ୍ରତିରେ ରଙ୍ଗ ଖେଳୁଥିଲେ
ସାଜି କି ବାନର ବେଶ।
ସରାବର ଚିହ୍ନ ନ ଥିଲା ସେ ବେଳେ
ନ ଥିଲା ମାଦକ ଦ୍ରବ୍ୟ
ସ୍ନେହେ ଶ୍ରଦ୍ଧା ପ୍ରେମେ ରଙ୍ଗାୟିତ ଥିଲୁ
ଥିଲା ଖାଲି ପ୍ରତି ଭବ୍ୟ।
ରାଧା କୃଷ୍ଣଙ୍କର ଯୁଗଳ ମୂରତି
ମନବର ଶିକ୍ଷା ପାଇଁ
କଳୁଷିତ ଆଜି ଏ ଯୁବ ସମାଜ
କିଛି ବି ଶିଖିଲେ ନାହିଁ।
ହେ ରାଧା ମୋହନ ଦିଅ ଦିବ୍ୟଜ୍ଞାନ
କଣ୍ଠେ ସମସ୍ତଙ୍କ ବସି
ବିସ୍ତୀର୍ଣ୍ଣ ଭାବନା ଦିଅନ୍ତୁ ଠାକୁରେ
ସଂସାର ଚାଲୁରେ ହସି।