ମନରେ ଜଳୁଛି ନିଆଁ

ଜଳୁଛି ନିଆଁ ମୋ ମନ ବନାନୀରେ

ହସୁଛି ଫଗୁଣ ଦୂରେ

ଶ୍ରାବଣୀ ଗାଉଛି ବିରହ ଗୀତିକା

ଭେଟି ଦେଇ ଲୁହ ଧାରେ

ସାଥୀ ତୁମେ କୁହ

କେତେ ଦୂରେ ।

ଏତେବଡ ଦୁନିଆଁରେ 

ଚାଲୁଛି ମୁଁ ଖଣ୍ଡା ଧାରେ

ତିଳ ତିଳ ହୋଇ ଜଳେ

ଯାତନାର ଜଉଘରେ

କେମିତି କହିବି ନିଜେ

ଭୁଲଥିଲା ଚାଲିବାରେ 

ଚାଲିଚି ନିସଂଗ ହୋଇ

କଣ୍ଟକିତ ପଥପରେ ।

ଛାଡିବାନି ହାତ ଆମ

କହିଥିଲ ତୁମେ ଥରେ

ଆସୁ ଝଡ ଆସୁ ବର୍ଷା

ହାରିବାନି ଜୀବନରେ

ଜିତୁ ଜିତୁ ହାରି ଗଲି

ତୁମେ ଚାଲିଗଲା ପରେ

ଚାଲିଗଲ ସିନା ସାଥୀ

ଛାଡି ଦେଇ ସ୍ମୃତି ଧାରେ ।