Library
Profile
ମନରେ ଦରବୃଦ୍ଧି ନ ଛୁଏଁ କିଆଁ
ମନରେ ଦରବୃଦ୍ଧି ନ ଛୁଏଁ କିଆଁ
ଲକ୍ଷ୍ମୀ ମାତାଙ୍କର ପ୍ରିୟ ଅଟେ ମାର୍ଗଶୀର
ମାସ ଗୁରୁବାର
ପୂଜୁଛେ ସରବେ ଭକତି ମନରେ, ଦାରିଦ୍ର୍ୟ
ହୋଇବ ଦୂର |୧|
ସମସ୍ତଙ୍କର ମନରେ ଅଛି, ମା କୃପା ଅଟେ
ଅମୃତର ରସ
ବିରାଜିବେ ମାତା ଘର ଅଗଣାରେ ପ୍ରକାଶି
ତାଙ୍କରି ଯଶ |୨|
ଆମର ଅଶାନ୍ତ ମନ ଶାନ୍ତ ହୋଇବ ଧନଲକ୍ଷ୍ମୀ
ବୃଦ୍ଧି ହୋଇ
ଭେଦ ଭାବ ଘୃଣା ସୃଷ୍ଟି ନକରନ୍ତି ସେ ଜାତି
ଅବା ଧର୍ମ ନେଇ |୩|
ଆଚାର ଭଲ ହେଲେ ଲକ୍ଷ୍ମୀ ତା ପାଖରେ ସଦା
ଠିଆ ହୁଅନ୍ତି
ମଣିଷ, ବିଚାର ବଳରେ ସମାଜେ କେବଳ ପଣ୍ଡିତ
ବୋଲାନ୍ତି |୪|
ଆଚରଣ ଯାର ଶୁଦ୍ଧ ପୁତ ତାହାର ଜୀବନର
ପଥ ସରଳ
ଉତ୍ତମ କର୍ମ କର୍ତ୍ତବ୍ୟ ସମ୍ପାଦନେ, ସେ ପାଏ
ଉତ୍ତମ ଫଳ |୫|
ସତ୍ୟ ନ୍ୟାୟ ପଥେ ସାଧୁତା କର୍ମେ ସଦା କାଳେ
ଲାଗି ଥାଏ
କାହାକୁ ନଡରି, ନିର୍ଭୟେ ଅନ୍ୟାୟ ବିରୁଦ୍ଧେ
ଅବିରତ ଲଢ଼ିଥାଏ |୬|
ଭଲ କଅଣ ମନ୍ଦ କେଉଁଟା, ବିଚାରରେ ସେ
ମଣିଷ ବୁଝି ପାରଇ
ଅସାଧ୍ୟ ବୋଲିଣ କଥା ତା ଜୀବନେ କେବେ
କେଉଁ କାର୍ଯ୍ୟ ନଥାଇ |୭|
ଆଜିର ସମାଜେ ରାବଣ ପଲ ଦିଅନ୍ତି ଲମ୍ବା
ଲମ୍ବା ଭାଷଣ
ରାମ ନାମେ ଆଜି ବେପାର ଚାଲେ ଟଙ୍କା
ସବୁ କିଛି ଜାଣ |୮|
ଲୁଟି ନିଅନ୍ତି ଆମର ସୁଖ ଯିଏ ସେମାନଙ୍କୁ
କାହୁଁ ଜାଣୁଛେ
ନେତା ମନ୍ତ୍ରୀଙ୍କର ନିର୍ବାଚନ ଭାଷଣରେ ତ
ଭାସି ଯାଉଛେ |୯|
ପେଟ୍ରୋଲ ଡିଜେଲ ଅନ୍ୟ ଜନିଷ ଆକାଶ
ଛୁଆଁ ଦରବୃଦ୍ଧି ଦେଖ
ପକେଟରୁ ଆମର ଧନ ଲୁଟି ନିଅନ୍ତି, କୁହ
କେମିତି ଆସିବ ସୁଖ |୧୦|
ଅନ୍ୟାୟ ଶୋଷଣ ଚାଲେ ଦିବା ରାତି
ଶୋଷକ କରୁଛି ଶାସନ
ନାରୀର ଇଜ୍ଜତ ଲୁଟେ ଯିଏ ପାର୍ଲ୍ୟାମେଣ୍ଟ
ରେ ଦିଏ ବଡ ଭାଷଣ |୧୧|
ସ୍ୱାଧୀନତାର ସ୍ୱାଦ ପାଇବା କେମିତି, ନେତା
ଖାଲି ଭାଷଣପ୍ରବର
ମନେ ପ୍ରଶ୍ନ ଉଠୁନି, ଧାଇଁଛେ ଆମେ, ଗୋଡାଣିଆ
ପ୍ରକୃତି ଆମର |୧୨|
ସ୍ୱାଧୀନତାର ଲକ୍ଷ୍ୟ ଆଜି ପଥଭ୍ରଷ୍ଟ, ଗରିବ
ଖୋଜୁଛି ରାହା ସାହା
ନୀତି ନୈତିକତା ନାହିଁ କିଛି, କିପରି ଧରୁଛ
ଭାରତ ମାତାର ନାଆଁ |୧୩|
ଜାଣି ପାରୁନି ଆମେ ଶାନ୍ତ ଚିତ୍ତରେ କିପରି
ହୋଇଛେ ଖାଲି ଠିଆ
କିପରି ଲାଜ ଲାଗୁନି ଆମକୁ, ମନରେ ଦରବୃଦ୍ଧି
ଆମକୁ ନଛୁଏଁ କିଆଁ |୧୪|
ଆଖି କୋଣେ ଲୁହ ଥାଇ କେମିତି ଋତୁ ପରେ
ଋତୁ ବିତାଉଛ
ଦୁଃଖ ଦୂର୍ଦ୍ଦଶା ଭରୁଛି ଯିଏ ନିତିଦିନ ଆମକୁ,
ତା କଥା କେମିତି ଶୁଣୁଛ |୧୫|
