ମନୋହର ଦିଶେ ଆମରି ଘର

ବଗିଚାରେ ପୁଷ୍ପ ଘର ମନ୍ଦିର

ଗଂଗଶିଉଳି ଓ ମଂଡା ମନ୍ଦାର ।

ଜୁଇ ଜାଇ ମଲ୍ଲି ଆଉ ଟଗର

ସକାଳେ ପୂଜୁଛୁ ଦିଅଁଂକୁ ତୋର ।

ଅଛି ତାହାସଂଗେ କେତକୀ ହେନା

ଆମ ବଗିଚାର କଥା କହନା ।

ବାପା ମାଆ ମିଶି ଲଗାଇଛନ୍ତି

ସାର ପାଣି ଦେଇ ବଢାଇଛନ୍ତି ।

ଚଢେଇ ସେଠାରେ ବସା ବାନ୍ଧିଛି

ସୁନ୍ଦର ବଗିଚା ସଜାଇଅଛି ।

ଘୃତ କୁଆଁରିକୁ ଗିଲୋଇ ଲତା

ସ୍ୱାସ୍ଥ୍ୟ ପାଇଁ ଅଛି କଲରା ପିତା ।

ଶାଗ ପତରକୁ ପରିବା ଚାଷ

ଘରେ ହେଉଥିଲେ କିଣିବୁ କିସ ।

ଗଛ ଗୁଣ ଜାଣି ଲଗାଉ ଥାଅ

ସଜ ଫଳ ପନିପରିବା ଖାଅ ।

ସଭିଂକ ହାତରେ ଲାଗେନା ଗଛ

ଯେତେ ପୋତ ହୁଏ ଯେ ମୁଳପୋଛ ।

ମନୋହର ଦିଶେ ଆମରି ଘର

ତା ସାଥେ ବଗିଚା ଆଉ ସୁନ୍ଦର ।